Esek. 15 - Ebaibul

Ekitoe a epiini ŋolo emam ajokis

¹ Abu Ekapolon kirwor neni kaŋ ekeŋit tema,

² “Lokoku a ituŋanan, alipite ejokia akitoe a epiini akilo ateni a epiini ŋina eyai lokito daadaŋ ŋulu ka amoni?

³ Elemununuyo mono ŋakito ŋadi aneni keŋ kitiyaunere ibore idio a? Elemununuyo mono ŋakito ŋadi aneni keŋ ŋuna ineneo ibore idio a?

⁴ Erae ca akinokia akim bon ejokia iŋes. Ani kenyamuwa akim ŋiwaetin ŋuluarei akitoe a ŋin, kidoŋ kidiŋ akitoe ŋin erae atotole, eyai kire ibore ipedori iyoŋ akitiyaun anakitoe a ŋin a?

⁵ Ani sek eriŋa akitoe ŋin daadaŋ eyai, arae akoŋinait; aŋuna tokona anomya akim iŋes ka aŋuna eturuworya atotole, epedoryo kire nabo akisitiya akitoe ŋin akitiyaunia ibore idio a?”

⁶ Aŋun, ŋakiro ŋuna irworo Ekapolon Akuj ikes nu, “Lopite ŋolopei elemunere akitoe a epiini alokito a ŋulu ka amoni kinokae, etiyae ayoŋ ŋunapei ŋun lotuŋa ŋulu iboiyete alo Yerusalem.

⁷ Etekini ayoŋ ikes etoroniyarit. Tari daŋ keiuna ikes alomoe a ŋulu ke ekiŋaren, emunyarete ŋimoe ikes, ido iyenunete iyes atemar arae ayoŋ Ekapolon apaki ŋina etekinio ayoŋ ikes etoroniyarit.

⁸ Eturuwori ayoŋ akwap kec ŋina asilon, anerae apotu ikes kitiyata pa akanupito ayoŋ.”