2 Ŋakiro a ŋirwa 3 - Ebaibul

Toduk Solomon Akai ka Akuj

¹ Kisyak Solomon akiduk Akai ke Ekapolon Yerusalem kidiama emukura ŋolo enyaritae Moria, neni kebunio sek Ekapolon totakanunia neni a Daudi a papa keŋ. Arae nen akibois ŋina sek keris Daudi keseu, akibois ŋina arae alos ŋina aramya Eyebusit ŋolo anyaritae Oranan ŋikinyom keŋ.

² Kisyak Solomon akiduk Akai ŋin ŋirwa ke elap ŋiarei elap ŋolo a ŋiarei alokaru a ŋolo a ŋiomwon ipukat iŋes.

³ Arae lo epite ŋolo epimitor Solomon Akai ka Akuj ŋina aduki iŋes: Aoyau keŋ alosepyon arae ŋimitae ŋatomoniarei ka ŋikanikaarei, alokiŋaren ka neni iteotor arae ŋimitae ŋikanikaomwon.

⁴ Arae aoyau a ŋisepyon a agule a ŋina alokiŋaren Akai ka Akuj ŋimitae ŋikanikaomwon, ŋimitae ŋuna eriyan ka ŋuna alokiŋaren ka Akai aneni iteotor. Arae aoyau ka Akai alokwap tari kidiama ŋimitae ŋatomonikan ka ŋiomwon. Kidelesik Solomon egolid ŋolo ajokan nenilapat tooma agule ŋin.

⁵ Topetanak ŋakito ŋuna enyaritae Cedar narwatata a agule a ŋin, ido kidelesik egolid ŋolo ajokan nakito ŋun, kinaminamak ŋitorubei ŋulu a ŋiŋolya ka ŋulu a ŋiriko kidiama egolid ŋol.

⁶ Kisibus iŋes Akai ka Akuj a ŋamoru a ŋuna epol egyelit a ŋuna ebusak. Abu iŋes kisitiya egolid ŋolo ayaunitae alo Paripaim.

⁷ Kidelesik Solomon egolid nakito ŋuna arapito Akai alokidiama, lobarasanin, narwatatain ka lopukei ŋulu ka Akai ka Akuj, kicieanak ŋitorubei a ŋisubuna a ŋulu a ŋabebenuk narwatatain.

⁸ Todukok Solomon akibois ŋina asegan nooi, eriyan aoyau keŋ alosepyon ka aoyau ŋina ka Akai ka Akuj alokiŋaren ka neni iteotor. Arae aoyau alosepyon ka agule a ŋin alotooma ŋimitae ŋikanikaomwon, alokiŋaren ka neni iteotor, arae ŋimitae ŋikanikaomwon. Kidelesik iŋes tooma agule ŋin egolid ŋolo ajokan ŋolo arae apotis keŋ ŋakiloi ŋalipyo ŋaarei ka amiat.

⁹ Arae apotis a ŋisumar a ŋulu etiyaunitae ke egolid ŋakiloi atutubet. Kidelesik Solomon egolid nagulei ŋuna alokidiama.

¹⁰ Kiwuak Solomon ŋitorubei a ŋisubuna a ŋulu a ŋabebenuk ŋiarei nakibois ŋina asegan nooi, kidelesik egolid lotorubei ŋul.

¹¹ Arae aoyau a ŋabebenuk a ŋisubuna a ŋul epetaritae kiryamito ŋuna alokidiŋ ŋimitae ŋikanikaomwon. Arae aoyau ka abebenukat a esubuna ŋolo a ŋabebenuk a epei ŋimitae ŋuna eapikinito ŋaarei, ido adolit narwatata ka Akai, abebenukat ŋinace daŋ, arae aoyau ŋimitae ŋuna eapikinito ŋaarei, ido atapakina alokidiŋ ka abebenukat ŋina a esubuna a ŋolo a ŋabebenuk a ŋoloce.

¹² Ŋolo a ŋiarei daŋ, arae aoyau ka abebenukat keŋ a ŋina ewasyan ŋimitae ŋuna eapikinito ŋaarei, ido adolit narwatata a Akai, ŋinace daŋ, arae aoyau ŋimitae ŋuna eapikinito ŋaarei ka atapakina alokidiŋ ka abebenukat ŋina a esubuna a ŋolo a ŋabebenuk a ŋoloce.

¹³ Arae aoyau a ŋabebenuk a ŋisubuna a ŋulu a ŋabebenuk a ŋul ameun anabebenukat ke epei tari nasalunet ka abebenukat a ŋoloce ŋimitae ŋikanikaomwon. Awuasi ŋisubuna ŋulu a ŋabebenuk ŋul a ŋakejen kec, ido esiŋoliaritae tooma Akai.

¹⁴ Kitiyau Solomon anaŋga ŋina aya ŋiraŋgi lu: Ŋolopus, ŋolo kipurat-areŋan ka ŋausi ŋuna areŋak puu ta ŋuna amilimilak, kiwuanak ŋitorubei a ŋisubuna a ŋulu a ŋabebenuk nanaŋga ŋin.

¹⁵ Todupak Solomon ŋipirin ŋiarei kiŋaren Akai ka Akuj, arae aoyau a ŋolopir ŋimitae ŋatomon ka ŋikan ka atutubet. Kiwuak Solomon neni a ŋolopir akou, neni arae aoyau ŋimitae ŋulu eapikinito ŋiarei.

¹⁶ Kitiyau Solomon ŋiriko ŋulu emanimanitae, kiwuak nakyes a ŋipirin a ŋul. Kitiyau daŋ ŋitorubei a ŋikito a ŋulu ikwaan ka ŋikacikiciki a ŋulu enyaritae pomegranet, kiwuak ŋul totapakin loriko.

¹⁷ Tosiponok Solomon ŋipirin kiŋaren Akai ka Akuj, epei Kwap Akai ka epei Kuju Akai. Tolimok ekiro a ŋolo alo Kwap Akai Yakin ka ekiro a ŋolo alo Kuju Akai Boas.