1 Yoa. 1 - Ebaibul

Akirot ŋina ka akiyar

¹ Erae ŋakiro nu ŋuna ikamunito Akirot ŋina ka akiyar a ŋina ayai anakisyakinet. Aponi isua kiirarae ka kiŋolikinae a ŋakonyen kosi a ŋilopeyek; kire ikianyu isua iŋes ka ikitap a ŋakan kosi.

² Ŋina esileereunere akiyar ŋin, ikipotu isua oanyuwasi iŋes ka ikiteyenunit ŋuna keŋ ka ikiserae neni kus akiyar ŋina nyedaun, ŋina aya kaapei ka Akuj Papa, ŋina aponi kisileereunoe neni kosi.

³ Ŋuna ikiŋolik ka ikiira ikes ikiserae isua neni kus, ikotere iyes daŋ ikimorikin ka isua. Ikimorikina isua ka Papa ta Lokoku keŋ Yesu Kristo.

⁴ Ikigirakinit isua nu neni kus, ikotere itemokin alelyan yok.

Erae Akuj akica

⁵ Erae ŋakiro nu ŋuna ikiira isua aneni a Kristo ka erae nu ikiserae isua neni kus: Akuj iŋes erae akica ka alotooma keŋ emam akiryonut jik.

⁶ Ani kikitema ebe ikimorikina iwon ka Akuj, olosete bo anakiryonut, ikilyokoni iwon ka nyikiboi alotooma ŋakiro ŋuna a kire.

⁷ Nai ani kikiboi iwon anakica, ikwapei eyakar iŋes nakica, ikiyakar iwon akimorikina ka ŋuluce ka ikitesegunete iwon ŋaokot a Yesu a Lokoku keŋ anasecit a daadaŋ.

⁸ Ani kikitema iwon ebe nyikisecenene, ikimodyanakin iwon make, ido emam ŋuna a kire alotooma yok.

⁹ Nai ani kikilimo iwon ŋasecisya yok, isyoni Akuj ŋasecisya yok, ikitesegu iwon alopitesyo a ŋulu aronok a daadaŋ; anerae nyiloconokini iŋes ŋuna alimu ka iyookino.

¹⁰ Ani kikitema iwon ebe nyikisecit, ikitusubuni iwon Akuj ŋina alyokonon ka emam ŋakiro keŋ alotooma yok.