1 Ŋakiro a ŋirwa 6 - Ebaibul

Ŋipapae a Lepi

¹ Arae ŋidwe a Lepi ŋulusapa lu: Gerisom ka Koas ta Merari.

² Arae ŋidwe a Koas ŋulusapa lu: Amiram, Isar ka Ebiron ta Usiel.

³ Arae ŋidwe ka Amiram lu: Aron ka Moses ta Miriam. Arae ŋidwe ka Aron ŋulusapa lu: Nadab, Abiu,

⁴ Eleasar ka Isamar. Abu Eleasar touru Pineas, touru Pineas Abisua,

⁵ touru Abisua Buki, touru Buki Usi,

⁶ touru Usi Sakariya, touru Sakariya Merayos,

⁷ touru Merayos Amaria, touru Amaria Aitub,

⁸ touru Aitub Sadok, touru Sadok Aimas,

⁹ touru Aimas, Asaria, touru Asaria Yoanan,

¹⁰ touru Yoanan Asaria, (Arae Asaria etiyae ikwapei esacaradoti alo Kai ka Akuj a ŋina abu Solomon todukok Yerusalem),

¹¹ touru Asaria Amaria, touru Amaria Aitub,

¹² touru Aitub Sadok, touru Sadok Salum,

¹³ touru Salum Ilikia, touru Ilikia Asaria,

¹⁴ touru Asaria Seraia, ido abu Seraia touru Yeosadak.

¹⁵ Aponi Yeosadak torikoroe anakwap keŋ apaki ŋina eritarya Ekapolon ŋituŋa a Yudaya ka ŋulu a Yerusalem nakwapin anapedor a ŋina a Nabukednesar.

¹⁶ Arae ŋidwe a Lepi ŋulusapa lu: Gerisom ka Koas ta Merari.

¹⁷ Ŋirorwa a ŋidwe a Gerisom a ŋulusapa lu: Libini ka Simei.

¹⁸ Arae ŋidwe a Koas ŋulusapa ikes lu: Amiram, Isar ka Eburon ta Usiel.

¹⁹ Arae ŋidwe a Merari ŋulusapa lu: Mali ka Musi. Arae nu ŋatekerin a ŋilepi imarunitae aneni atapapaa kec:

²⁰ Arae lu ŋituŋa a Gerisom akisyakin ananyamet ka apei tari ŋinace: Libini, Yaas, Sima.

²¹ Yoa, Idido, Sera ka Yeaserai.

²² Arae lu ŋituŋa a Koas akisyakin ananyamet ka apei tari ŋinace: Aminadab, Kora, Asir,

²³ Elikana, Ebiasap, Asir,

²⁴ Taas, Uriel, Usia ka Saul.

²⁵ Ayakar Elikana ŋisapa ŋiarei lu: Amasai ka Aimos.

²⁶ Arae lu ŋituŋa ka Aimos akisyakin ananyamet ka apei tari ŋinace: Elikana, Sopai, Naas,

²⁷ Eliab, Yeroam ka Elikana.

²⁸ Ayakar Samuel ŋisapa ŋiarei lu: Yoel ŋolo arae ekiyae keŋ ka ŋolo a ŋiarei arae Abiya.

²⁹ Arae lu ŋituŋa a Merari akisyakin ananyamet ka apei tari ŋinace: Mali, Libini, Simei, Usa,

³⁰ Simea, Agia ka Asaia.

Ŋikaeok alo Kai ka Akuj ŋulu aseuni Daudi

³¹ Ŋikilyok lu ikes abu Daudi toseu aeore alo Kai ke Ekapolon kedaun ayaun Asaduku Kai ka Akuj.

³² Apotu ikes toeoto alokiŋaren eema ŋolo elipere akitodol ŋina adukio Solomon Akai ŋina ke Ekapolon Yerusalem. Apotu ikes toboonokin akitiya ŋiticisyo alotooma ŋikisila ŋulu alimokinitae ikes.

³³ Ŋikilyok lu ikes apotu kitiyata kaapei ka ŋidwe kec ŋulusapa. Arae lu Ŋikoasi: Eman ŋolo arae ekarikon ka aeore a ŋikaeok a ŋulu ke ekiŋaren, arae iŋes lokoku a Yoel, emarunitae ŋituŋa ke ekal keŋ tari neni a Yakob alopite a lo: Eman, Yoel, Samuel,

³⁴ Elikana, Yeroam, Eliel, Toa,

³⁵ Sup, Elikana, Maas, Amasai,

³⁶ Elikana, Yoel, Asaria, Sepania,

³⁷ Taas, Asir, Ebiasap, Kora,

³⁸ Isar, Koas, Lepi ka Yakob.

³⁹ Asap iŋes arae ekarikon ka aeore a ŋikaeok a ŋulu a ŋiarei, emarunitae ŋituŋa ke ekal keŋ tari neni a Lepi alopite a lo: Asap, Berekia, Simea,

⁴⁰ Mikael, Baseia, Maliciya,

⁴¹ Esini, Sera, Adaia,

⁴² Esan, Sima, Simei,

⁴³ Yaas, Gerisom ka Lepi.

⁴⁴ Asan ŋolo arae ekanateker a Merari iŋes arae ekarikon ka aeore a ŋikaeok a ŋulu a ŋiuni, emarunitae ŋituŋa ke ekal keŋ tari neni a Lepi alopite a lo: Esan, Kisi, Abidi, Maluk,

⁴⁵ Asabia, Amasia, Ilikia,

⁴⁶ Amisi, Bani, Semer,

⁴⁷ Mali, Musi ka Merari ta Lepi.

⁴⁸ Ainakinitae ŋilepi ŋuluce ŋiticisyo ŋuluce daadaŋ anakibois a ŋina elipere alo Kai ka Akuj.

⁴⁹ Nai arae Aron ka ŋidwe keŋ ŋulusapa ayaanarete ŋainakineta ŋuna ke ekinyate ka ŋamuronisya ŋuna epeyo Namuroet ŋina epeyere. Ikes etiyaete etic daadaŋ anakibois a ŋina asegan nooi, ikes amookununeete Ŋisirael alopite a daadaŋ a ŋolo kebu Moses eketiyan ka Akuj tolimunio.

⁵⁰ Arae lu ŋituŋa ka ateker ka Aron: Eleasar, Pineas, Abisua,

⁵¹ Buki, Usi, Seraia,

⁵² Meraios, Amaria, Aitub,

⁵³ Sadok ka Aimas.

Ŋakiboisyo ŋuna eboiyoto ŋilepi

⁵⁴ Arae nu ŋakiboisyo ŋuna eboiyoto ŋilepi alopite a ŋolo alomitotor ikes ikukorosi. Keponi ŋipapae ka Aron ŋulu anateker a Koas tokorakinae akibois ŋina ke ekiŋaren, anerae keponi kisyakinae aneni kec.

⁵⁵ Keponi tokorakinae ikes Eburon etaun ŋolo alo Yudaya ka adakar daadaŋ ŋina alodiyete Eburon,

⁵⁶ nai ŋimanikorin ka ŋirerya ŋulu keya Eburon, keponi tokorakinae neni a Kaleb alokoku a Yepune.

⁵⁷ Aŋun, keponi tokorakinae ŋiletok ka Aron ŋitaunio lu: Eburon (iŋes atemar etaun ŋolo eiunor ituŋanan), Libina, Yatir, Esitemoa,

⁵⁸ Ilen, Debir,

⁵⁹ Asan, Yuta ka Bes-Semes kaapei ka ŋadakarisinei kec.

⁶⁰ Keponi tokorakinae ateker a Benjamin ŋitaunio lu: Gibeon, Geba, Alemes ka Anasos, kaapei ka ŋadakarisinei kec. Arae ŋitaunio a ŋatekerin a Ŋikoasi daadaŋ ŋitomon ka ŋiuni.

⁶¹ Aponi Ŋikaosi ŋuluce daadaŋ tokorakinae ŋitaunio ŋitomon anatutubet ka apei a ŋina a ekabila a Manase.

⁶² Keponi ŋiletok a Gerisom a ŋinateker tokorakinae ŋitaunio ŋitomon ka ŋiuni alokabilae a lu: A ŋolo a Isakar, a ŋolo a Aser ka a ŋolo a Naputali ta anatutubet ka apei a ŋina a ekabila a Manase alo Basan.

⁶³ Keponi ŋiletok a Merari a ŋinateker tokorakinae ŋitaunio ŋitomon ka ŋiarei alokabilae a lu: A ŋolo a Ruben ka a ŋolo a Gad ta a ŋolo a Sebulon.

⁶⁴ Ŋitaunio ŋul ikes apotu Ŋisirael tokorakis ŋituŋa a Lepi, inakis kaapei ka ŋadakarisinei kec.

⁶⁵ Apotu daŋ Ŋisirael tokorakis ŋilepi ŋitaunio ŋice ŋulu imarunitae alokabilae a lu: A ŋolo a Yuda ka a ŋolo a Simeon ta a ŋolo a Benjamin.

⁶⁶ Keponi tokorakinae ŋatekerin a Ŋikaosi ŋace ŋitaunio kec bon alokabila ke Epuraim.

⁶⁷ Anakwap ke Epuraim a ŋina elalak ŋikamukumukui, keponi tokorakinae ikes ŋitaunio lu: Sekem (iŋes etaun eiunor ituŋanan), Geser,

⁶⁸ Yokimeam, Bes-Oron,

⁶⁹ Aijalon ka Gas-Rimon kaapei ka ŋadakarisinei kec.

⁷⁰ Kepotu Ŋisirael tokorakis Ŋikoasi ŋuluce daadaŋ anatutubet ka apei a ŋina a ekabila a Manase ŋitaunio lu: Aner ka Beleam kaapei ka ŋadakarisinei kec.

⁷¹ Kepotu Ŋisirael tokorakis Ŋigerisoni ŋitaunio lu anatutubet ka apei a ŋina a ekabila a Manase: Golan alo Basan ka Asitaros kaapei ka ŋadakarisinei kec;

⁷² kepotu toryamut alokabila a Isakar ŋitaunio lu: Kedec, Dabera,

⁷³ Ramos ka Anem kaapei ka ŋadakarisinei kec;

⁷⁴ kepotu toryamut alokabila ka Aser ŋitaunio lu: Masal, Abidon,

⁷⁵ Ukok ka Reob kaapei ka ŋadakarisinei kec;

⁷⁶ ido kepotu toryamut alokabila a Naputali ŋitaunio lu: Kedec alo Galileya, Amon ka Kiriasaim kaapei ka ŋadakarisinei kec.

⁷⁷ Kepotu Ŋimerari (ŋilepi ŋuluce daadaŋ) toryamut ŋitaunio lu alokabila a Sebulon: Yokineam, Karita ka Rimono ta Tabor kaapei ka ŋadakarisinei kec;

⁷⁸ alokabila a Ruben alo Kide Yorodan ka Kide Yeriko, kepotu toryamut ŋitaunio lu: Beser analoŋisat, Yasa,

⁷⁹ Kedemos ka Mepaas kaapei ka ŋadakarisinei kec.

⁸⁰ Alokabila a Gad, kepotu toryamut ŋitaunio lu: Ramos alo Gilead, Manaim,

⁸¹ Esibon ka Yaser kaapei ka ŋadakarisinei kec.