1 Ŋakiro a ŋirwa 2 - Ebaibul

Ŋidwe a Isirael ŋulusapa ka ŋipapae a Yuda

¹ Ŋidwe a Isirael ŋulusapa ikes lu: Ruben, Simeon, Lepi, Yuda, Isakar, Sebulun,

² Dan, Yosepu, Benjamin, Naptali ka Gad ta Aser.

³ Arae ŋidwe a Yuda ŋulusapa lu: Er ka Onam ta Sela. Arae aberu a Yuda ŋina anyaritae Basisua abu touru ŋisapa ŋul ŋiuni, arae Basisua a Kanaanit. Abu Er lokoku a Yuda toroniar aneni ke Ekapolon; aŋun, abu Ekapolon toar iŋes.

⁴ Abu nateran a Yuda ŋina anyaritae Tamar touru ŋidwe a Yuda ŋiarei: Peres ka Sera. Arae ŋidwe a Yuda ŋulusapa daadaŋ ŋikan.

⁵ Arae ŋidwe a Peres ŋulusapa lu: Esiron ka Emul.

⁶ Arae ŋidwe a Sera ŋulusapa lu: Simiri, Esan, Eman ka Kalicol ta Dara, arae ikes daadaŋ ŋikan.

⁷ Arae Akar lokoku a Carimi, Akar iŋes abu yau ŋican Isirael aŋuna abunio toŋeryo akimyekin ŋiboro ŋulu etaleo.

⁸ Arae Asaria ikoku ke Esan.

⁹ Arae ŋidwe ŋulusapa ŋulu abu Esiron touru ikes lu: Yerameel ka Ram ta Kalubai.

¹⁰ Abu Ram touru Aminadab, ido abu Aminadab touru Nason, ŋolo abu toruwor ekarikon a ŋituŋa a Yuda.

¹¹ Abu Nason touru Salimon, touru Salimon Boas,

¹² touru Boas Obed, ido touru Obed Yese.

¹³ Abu Yese touru Eliab iŋes lokoku keŋ ŋolokiyae, ŋolo a ŋiarei iŋes Abinadab ka ŋolo a ŋiuni iŋes Simea,

¹⁴ ŋolo a ŋiomwon iŋes Nesanel, ŋolo a ŋikan iŋes Radai,

¹⁵ ŋolo a ŋikanikapei iŋes Osem ka ŋolo a ŋikanikaarei iŋes Daudi.

¹⁶ Ŋakaitotoi kec ikes nu: Seruia ka Abigail. Ŋidwe a Seruia ŋulusapa lu: Yoab ka Asael.

¹⁷ Arae Abigail toto ka Amasa, anyaritae papa ka Amasa Yeser, ido arae Yeser lopapait a Isimael.

¹⁸ Abu lokoku ke Esiron ŋolo anyaritae Kalubai kiit Asuba, touru apese ŋina anyaritae Yerios. Touru Yerios ŋisapa lu ŋiuni: Yeser ka Sobab ta Aridon.

¹⁹ Ani etwani Asuba, abu Kalubai kiit Epuras, ido apotu touruut esapat ŋolo anyaritae Ur.

²⁰ Abu Ur touru Uri, touru Uri Besalel.

²¹ Ani edoli Esiron ŋikaru ŋatomonikanikapei, abu kiit nakoku a Makir, nakato keŋ a Gilead. Apotu ikes touruut esapat ŋolo anyaritae Segub,

²² ido abu Segub touru esapat ŋolo anyaritae Yair. Abu Yair kipuka ŋitaunio ŋatomoniarei ka ŋiuni alo Gilead.

²³ Nai apotu ŋapukasinei ŋuna a Gesur ka Aram kikamasi ŋitaunio a Gilead ŋatomonikanikapei, kimoriyasi ka ŋirerya ŋulu a Yair ka Kenas ta ŋitaunio ŋulu edunyatar. Arae ŋituŋa ŋulu eboiyete a nen daadaŋ ŋipapae a Makir a ŋolo arae papa a Gilead.

²⁴ Ekaku ketwana Esiron, abu lokoku keŋ Kalubai kirum Epuras, aberu a papa keŋ. Touruut esapat ŋolo anyaritae Asaur, ŋolo abu kisyak etaun ŋolo a Tekoa.

²⁵ Arae ŋidwe a Yerameel alokoku a Esiron a ŋolokiyae ŋulusapa lu: Ram iŋes ŋolokiyae, ŋuluce ikes Buna, Oren ka Osem ta Aija.

²⁶ Ayakar Yerameel aberu ace ŋina anyaritae Atara; iŋes abu touru Onam.

²⁷ Arae ŋidwe ka Ram a lokoku a Yerameel a ŋolokiyae ŋulusapa lu: Maas ka Yamin ta Eker.

²⁸ Arae ŋidwe ka Ram ŋulusapa lu: Samai ka Yada. Arae ŋidwe a Samai ŋulusapa lu: Nadab ka Abisur.

²⁹ Anyaritae aberu ka Abisur Abiail, apotu ikes touruut Aban ka Molid.

³⁰ Arae ŋidwe a Nadab ŋulusapa lu: Seled ka Apaim. Abu Seled totwana emam ŋidwe auruunit.

³¹ Abu Apaim touru lokoku keŋ ŋolo anyaritae Isi; touru Isi Sesan, touru Sesan Alai.

³² Arae ŋidwe a Yada a ŋolo arae lokato keŋ a Samai ŋulusapa lu: Yeser ka Yonasan. Abu Yeser totwana emam ŋidwe auruunit.

³³ Arae ŋidwe a Yonasan ŋulusapa lu: Peles ka Sasa. Arae ŋul ŋipapae a Yerameel.

³⁴ Ayakar Sesan ŋidwe ŋulupesur bon amam ŋulusapa. Ayakar iŋes epito ŋolo arae Ejipitanoit, anyaritae ekiro keŋ Yara.

³⁵ Abu Sesan inak nakoku keŋ kiit Yara ŋolo arae epito keŋ, ido abu nakoku keŋ touru Atai.

³⁶ Abu Atai touru Nasan, touru Nasan Sabad,

³⁷ touru Sabad Epilal, touru Epilal Obed,

³⁸ touru Obed Yeu, touru Yeu Asaria,

³⁹ touru Asaria Eles, touru Eles Eleasar,

⁴⁰ touru Eleasa Sisimai, touru Sisimai Salum,

⁴¹ touru Salum Yekamia, ido abu Yekamia touru Elisama.

⁴² Arae ŋidwe a Kaleb alokaato a Yerameel ŋulusapa lu: Mesa iŋes ŋolokiyae, ŋolo abu touru Sip. Anyaritae lokoku a Kalubai ŋoloce Maresa, ŋolo abu touru Eburon.

⁴³ Arae ŋidwe ke Eburon ŋulusapa lu: Kora, Tapua ka Rekem ta Sema.

⁴⁴ Abu Sema touru Raam, touru Raam Yorekeam. Abu Rekem touru Samai.

⁴⁵ Anyaritae lokoku a Samai Maon, ido abu Maon touru Bes-Sur.

⁴⁶ Abu Epa aberu a Kaleb ŋina pa eitit touru Aran ka Mosa ta Gases. Abu Aran touru Gases.

⁴⁷ Arae ŋidwe a Yadai ŋulusapa lu: Regem, Yosam, Gesan, Pelet ka Epa ta Saap.

⁴⁸ Maka aberu a Kaleb ŋina pa eitit iŋes abu touru Seber ka Tirana.

⁴⁹ Abu daŋ Maka touru Saap ŋolo abu touru Madmana ka Sepa ŋolo abu touru Makibena ka Gibea. Ayakar daŋ Kalubai nakoku keŋ ŋina anyaritae Akisa.

⁵⁰ Arae lu ŋipapae a Kalubai, ŋidwe a Ur ke ekiyae a Kalubai ka aberu keŋ Epurasa ŋulusapa: Sobal ŋolo abu kisyak Kirias-Yearim.

⁵¹ Saluma ŋolo abu kisyak Betelem ka Arep ŋolo abu kisyak Bes-Goder.

⁵² Arae lu ŋipapae a Sobal a ŋolo abu kisyak Kirias-Yearim; ŋituŋa ŋulu anyaritae Ŋiaroi, atutubet a Ŋimanasi

⁵³ ka ŋatekerin nu ŋuna a ŋituŋa a Kirias-Yearim: Ŋiisiri, Ŋipusi, Ŋisumasi ka Ŋimisirai. Lotuŋa lu iŋes aponiata Ŋisorasi ka Ŋiesitaoli.

⁵⁴ Arae lu ŋipapae a Saluma, ŋituŋa a Betelem, Ŋinetopasi, Ŋiatirosibesiyoab, atutubet a Ŋimanasi, Ŋisori,

⁵⁵ ŋatekerin a ŋituŋa a ŋulu ayenete akigir nooi, a ŋulu eboiyete alo Yabes. Ŋatekerin ŋun ikes nu: Ŋitirasi, Ŋisimeasi ka Ŋisucasi. Arae ŋatekerin ŋun ŋuna a Ŋikeni a ŋulu apote aneni ka Amas, a ŋolo arae papa a Ŋirecabi.