SALMOS 93 - Nahuatl Huasteca (Western)

Toteco tlahuel hueyi

¹ ¡TOTECO tlanahuatía! Yaya tlahuel hueyi hasta quipiya itlatlanex catli onpano yejyectzi. Quitlatzquilti nelcuali ni tlaltipactli, huan amo hueli mojmolinis tlen itlatzinpehualtil.

² Nochipa hasta tlen huejcajya ta tijpixtoc tlanahuatili, huan nochi catli itztoque ipan motlanahuatilis mocahuaj temachme. San ta tiitztoc para nochipa.

³ TOTECO, nopa hueyame caquisti para mitzpaquilismacaj quema mocoxoníaj.

⁴ Pero ta, TOTECO, catli tiitztoc hasta huejcapa tijpiya más chicahualistli, huan amo quen nopa atl catli mocoxonía ipan nochi huejhueyi atl ipan tlaltipactli.

⁵ Motlanahuatilhua amo quema mopatlaj. TOTECO, para nochi xihuitl huan para nochi tonali motequiticayo eltoc senquistoc tlatzejtzeloltic.