SALMOS 87 - Nahuatl Huasteca (Western)

Nelía elis se hueyi paquilistli para catli ehuaj altepetl Jerusalén

¹ Altepetl Jerusalén eltoc ipan nopa tepetl tlatzejtzeloltic catli iaxca Toteco.

² Huan TOTECO quiicnelía Jerusalén achi más que nopa sequinoc pilaltepetzitzi ipan tlali Israel.

³ Quena, Jerusalén eltoc ialtepe Toteco Dios, huan quema masehualme quielnamiquij, camanaltij nelyejyectzi tlen nopa altepetl.

⁴ Quema tlatlajco nohuampoyohua niquintocaxtía nopa tlalme catli inintoca Egipto, Babilonia, Filistea, Tiro huan Etiopía, itztos se catli mohueyimatis pampa tlacatqui ipan se tlen nopa tlalme.

⁵ Pero ajsis tonali quema masehualme quiselise más hueyi tlatlepanitacayotl pampa tlacatque ipan altepetl Jerusalén, pampa Toteco Catli Más Hueyi quitiochihuas ni altepetl.

⁶ Huan TOTECO quiijcuilos inintoca nochi catli itztoque ipan nopa altepetl. Huan nochi catli tlacatque nopona quintlalilis se tlanextili campa ijcuilijtos inintoca.

⁷ Huan quema ilhuichihuase inijuanti, huicase ica paquilistli huan quiijtose: “Nochi noyolo nijtlalijtoc ipan Jerusalén.”