SALMOS 54 - Nahuatl Huasteca (Western)

Se netlatlajtili para Toteco ma quimanahui tlen icualancaitacahua

¹ ¡NoTeco Dios, xihuala techmaquixtiqui pampa nochi quimatij ta tihueyi! ¡Techmanahuiqui ica mohueyi chicahualis!

² Techtlacaquili quema nimotlatlajtía ica ta. Quena, xijtlacaquili catli nimitzpohuilía,

³ pampa tlahuilanca masehualme motlanantoque ica na. Quena, masehualme catli amo quema mitzelnamiquij nechtemohuaj para nechmictise.

⁴ Pero Toteco Dios nochipa nechpalehuía, huan amo quincahuilis ma nechmictica.

⁵ Toteco quincuepilis nocualancaitacahua nochi nopa tlamantli amo cuali catli inijuanti quisencajtoque nechchihuilise. Quena, TOTECO, ta catli nelía titemachtli, xijchihua senquistoc quen techtencahuilijtoc, huan xiquintzontlamilti nochi nocualancaitacahua.

⁶ Ica paquilistli nimitzmacas notlacajcahualis. Nimitzhueyimatis pampa ta nelía ticuali,

⁷ pampa ta techmanahuijtoc tlen nochi tlaohuijcayotl, huan niquitztoc quenicatza tiquintlantoc nochi nocualancaitacahua.