SALMOS 43 - Nahuatl Huasteca (Western)

Se netlatlajtili catli quitlajtlanía Toteco ma quincuepa ipan inintlal

¹ NoTeco Dios, techtlajtolsencahua xitlahuac huan xitenextili para amo tleno nijchijtoc. Techmanahui tlen ni istlacatica masehualme huan amo cuajcualme catli nechtelhuíaj.

² Pampa san ta tinoTeco huan tinoDios huan notlamanahuijca na. ¿Para tlen techtlahuelcajtoc? Nimotequipachojtinemi huan más nechtlaijiyohuiltíaj nocualancaitacahua, huan amo tleno tijchihua.

³ Toteco Dios, techyacana ica motlahuil huan technextili catli melahuac. Quej nopa, quena, huelis nimocuepas motlal huan campa motepe catli tlatzejtzeloltic campa ta tiitztoc ipan mocaltiopa.

⁴ Quena, noTeco Dios, nicalaquis huan niajsiti hasta motlaixpa campa masehualme mitzhueyichihuaj. Nepa nimitzpaquilismacas ica arpa, ta catli techmaca paquilistli, pampa ta tinoTeco Dios.

⁵ San tlapic nimotequipachos. Na nimotemachijtoc ipan ta, noTeco Dios, huan sempa nimitzpaquilismacas, pampa, ta tinoDios, huan tinotemaquixtijca.