SALMOS 1 - Nahuatl Huasteca (Western)

Tlajtlacolchihuani huan catli itztoque xitlahuaque iixpa Toteco

¹ Paqui nopa masehuali catli amo quitlacaquilía inincamanal amo cuajcualme, niyon amo quintoquilía tlajtlacolchihuani. Niyon amo mohuica ininhuaya catli ica paquij TOTECO.

² Nopa masehuali quipantía hueyi paquilistli pampa quichijtinemi catli quiijtohuaj itlanahuatilhua TOTECO, huan ipan nopa tlanahuatilme monejnehuilijtinemi tonaya huan tlayohua.

³ Nopa masehuali itztoc quen se cuahuitl catli moscaltía nechca atentli, huan temaca itlajca quema ipohual huan amo quema xihuiyo tepehui. Nochi catli quichihua quisa cuali.

⁴ Pero amo quej nopa ica masehualme catli amo cuajcualme, pampa inijuanti itztoque quen tlasoli catli quihuica ajacatl.

⁵ Yeca quema TOTECO tetlajtolsencahuas, nopa amo cuajcualme amo huelise quiijiyohuise, pampa yaya tlahuel chicahuac quintlatzacuiltis. Quena, ipan nopa tonal tlajtlacolchihuani ayacmo huelis mocahuase ininhuaya masehualme catli itztoque xitlahuaque iixpa.

⁶ Pampa TOTECO quimati nopa ojtli catli ipan nemij masehualme catli itztoque xitlahuaque, pero masehualme catli quichihuaj catli amo cuali, polihuise.