Matəw 1 - Aŋwaʼanayn Uso Fey

Umbaʼ imbey Yeso Kristo

¹ Ikum təŋ amə uwaŋ umbaʼ Yeso Kristo. Yeso Kristo mə́ ŋwə̂ akə aghaŋ ufon Dafid nu amə ŋwə̂ akə aghaŋ Abraham.

² Abraham mə́ mbaʼ Azik, Azik mə́ mbaʼ Yakob. Yakob mə́ mbaʼ Juda nə unya anom ma,

³ Juda mə́ mbaʼ Peres foro Zera. Ingo uma mə Tema, Peres mə́ mbaʼ Hezron, Hezron mə́ mbaʼ Ram,

⁴ Ram mə́ mbaʼ Aminadad, Aminadad mə́ mbaʼ Nashon, Nashon mə́ mbaʼ Salmon,

⁵ Salmon mə́ mbaʼ Boaz, ingo ma mə Rahab, Boaz mə́ mbaʼ Oberd, ingo ma mə́ Ruf, Oberd mə́ mbaʼ Jese,

⁶ Jese mə́ mbaʼ ufon Dafid, Ufon Dafid mə́ mbaʼ Solomon ŋunə ingo ma dey inam Uriya,

⁷ Solomon mə́ mbaʼ Rehoboam, Rehoboam mə́ mbaʼ Abija, Abija mə́ mbaʼ Asa.

⁸ Asa mə́ mbaʼ Jehosafat, Jehosafat mə́ mbaʼ Joram, Joram mə́ mbaʼ Uziya,

⁹ Uziya mə mbaʼ Jotam, Jotam mə mbaʼ Ahaz, Ahaz mə́ mbaʼ Hezekiya,

¹⁰ Hezekiya mə́ mbaʼ Manase, Manase mə́ mbaʼ Amos, Amos mə́ mbaʼ Josiya,

¹¹ Josiya mə́ mbaʼ Jechoniya nə unya anom ma akə amaʼazənə mbə́ num ba Izre ŋuw Babilon akə sob.

¹² Amaʼazənə mbə́ sí num ba Izre akə sob ŋuw Babilon, Jechoniya mə́ mbaʼ Seyaltiyə́l, Seyaltiyə́l mə́ mbaʼ Zerubabel,

¹³ Zerubabel mə́ mbaʼ Abiyud, Abiyud mə́ mbaʼ Eliyakim, Eliyakim mə́ mbaʼ Azo,

¹⁴ Azo mə́ mbaʼ Zadok, Zadok mə́ mbaʼ Achim, Achim mə́ mbaʼ Eliyud,

¹⁵ Eliyud mə́ mbaʼ Eleyaza, Eleyaza mə mbaʼ Matam, Matam mə́ mbaʼ Yakob,

¹⁶ Yakob mə́ mbaʼ Josef, ŋunə yə́ nam Meri ŋunə yə ibə́ Yeso ŋunə umə tiya akə Kristo.

¹⁷ Anigə, inoʼ akə Abraham iŋu pey akə Dafid amə iwaŋ ba ighum cho kyugə. Inoʼ akə Dafid iŋu pey amaʼazənə mbə́ num ba Izre akə sob iŋuw Babilon amə́ iwaŋ ba ighum cho kyugə. Inoʼ amaʼazənə mbə́ num ba Izre akə sob iŋuw Babilon iŋu pey akə Kristo amə́ iwaŋ ba ighum cho kyugə.

Anó da inji zənə mbə́ ibə́ Yeso

¹⁸ Inji zənə mbə́ ibə́ Yeso Kristo amə ney yə́ iməŋi. Josef si nyi Meri nu amə́ ingo abú Yeso. Asɨmə, ki mbə́ sə́ ŋu nam, mbə́ zən kwi Azugə zayn zayn sí ghəy Meri mə nə ibum.

¹⁹ Josef unom Meri, mə wa nu yə́ mə́ ghəy unó nu ukoʼoro. Cha yə́ kaba ma kwi i naʼa indere atəw abú Meri akaʼa ba. Anigə yə́ mə́ kaba inji iton uŋwen anjim anjim.

²⁰ Asɨmə, amaʼazənə yə́ mə́ kono nigə, angəd Asɨyisəg buw abú uŋwen akə injəm ighayn abú uŋwen kwi, “Josef ŋwə̂ aghaŋ Dafid, igoro ayə inum Meri akə ngwə ayey damugə amə Azugə zayn zayn ghey kwi umə ni ibum.

²¹ U yi ibə́ ŋwə̂ anom, mbən cho ukum ma akə Yeso, damugə amə uŋwen mi chi ba uma akə ikay zənə imə abú unó iboŋ igun uma.”

²² Unó mbəŋ ghəy da, inayn zənə Asɨyisəg chigə anjim wa ukən Nwiye ghayn imi du akə asiʼ kwi,

²³ “Mbən zəw! Akwere nu cha u di si kyay ma anó anom yi mə nə ibum ibə́ ŋwə̂ anom, umbi cho ukum ma kwi Imanuel.” Aton akə ukum wu amə kwi, “Nwiye yə nə umba.”

²⁴ Amaʼazənə Josef noʼo ambuni, Yə́ num Meri akə uyey ma umugə Angəd Asɨyisəg ghayn abú uŋwen.

²⁵ Yə num nigə nu cha yə́ di niŋe ma boʼo uŋwen pey amaʼazənə yə ibə́ ŋwə̂ anom wu. Amaʼazənə yə́ ibə́, Josef cho ukum ŋwə̂ wu akə Yeso.