Yozue 19 - WE NU GALE 1995

Nùi kɛ nu kpala Simeoni kpa zi ma

¹ Bɔa nùi kɛ wa ba do wala to zeke ni zi a mɔ́ nu kpala Simeoni. Nùi 'da wa zi dɛ kɔ kɛ 'da nu kpala Yuda.

² Mɛ zi a lenɔ gɛ: Bɛrseba, Seba, Molada,

³ Hasarɛ-Sualɛ, Baala, Ɛsɛmɛ,

⁴ Ɛltoladɛ, Bɛtulɛ, Horma,

⁵ Siklagɛ, Bɛtɛ-Markabɔtɛ, Hasarɛ-Susa,

⁶ Bɛtɛ-Lɛbaɔtɛ do Saruɛnɛ, mba zi vɛ̃ mɛ a ogã le 'bu ngɔ nɛ talɛ, do be lenɔ kɛ zã nɛ ni.

⁷ Nɛ ma mba 'bɔ do lenɔ gɛ: Ainɛ, Rimoni, Etɛrɛ do Akanɛ, mba zi vɛ̃ mɛ a ogã le nalɛ, do be lenɔ kɛ zã nɛ ni.

⁸ Dɛ ngɔ lenɔ ni, nu kpala Simeoni wa kpa 'bɔ tala lenɔ kɛ zã nɛ ni vɛ̃, gbaa we hɔ tɛ Baalatɛ-Bɛrɛ do Ramatɛ-Negɛvɛ. Ki ni zi vɛ̃ a nùi 'da nu kpala Simeoni.

⁹ Nùi 'da wa zi dɛ kɔ kɛ 'da nu kpala Yuda, we kɛ nùi kɛ nu kpala Yuda kpa zi ni, ma gã zi wena, nɛ wa hã mbe nɛ hã nu kpala Simeoni.

Nùi kɛ nu kpala Zabuloni kpa zi ma

¹⁰ Talɛ nùi kɛ wa ba do wala to zeke ni zi a mɔ nu kpala Zabuloni. Lì ngbala nùi 'da wa yula zi do si ba gɔtɔ gbaa we Sɔkpɔ tɛ le Saridɛ.

¹¹ Yolo di ni, nɛ li ngbala kũ dɛ si 'biti gɛ̃a wese gbaa we hɔ tɛ Marala. 'Do nɛ, nɛ ma nɛ gbaa Dabesɛtɛ do nu fua lì kɛ zã Yokneamɛ si 'biti gba wese.

¹² Tɛ 'do le Saridɛ, nɛ li ngbala la si 'biti gba wese, nɛ ma to nu nùi 'da owi Kislɔtɛ-Tabɔrɛ, nɛ ma la do Dabratɛ, nɛ ma kũ gbaa dɛ Yafia.

¹³ 'Do nɛ, nɛ ma la gbaa si 'biti gba wese, we hɔ tɛ Gatɛ-Hefɛrɛ do Ɛtɛ-Kasinɛ, nɛ ma kpa Rimoni, nɛ ma la dɛ Nea.

¹⁴ Nɛ li ngbala kɛ si gbãlã ngɔ la do 'do le Hanatoni, nɛ ma Sɔkpɔ do kɔ̃ gbangɔlɔ̃ Ifta-Ɛlɛ.

¹⁵ Ma mba do lenɔ gɛ: Katatɛ, Nɛhalalɛ, Simroni, Idala do Bɛtleɛmɛ. Ma mba vɛ̃ mɛ a ogã le 'bu ngɔ nɛ bɔa, do be lenɔ kɛ zã nɛ ni.

¹⁶ Lenɔ ni vɛ̃ ma dɛ ngɔ nùi kɛ Yozue ba zi hã nu kpala Zabuloni ni.

Nùi kɛ nu kpala Isakarɛ kpa zi ma

¹⁷ Nalɛ nùi kɛ wa ba do wala to zeke ni zi a mɔ nu kpala Isakarɛ.

¹⁸ Lenɔ ngɔ nùi 'da wa ma kɛ: Yizreɛk, Kɛsulɔtɛ, Sunɛmɛ,

¹⁹ Hafaraime, Siɔnɛ, Anaharatɛ,

²⁰ Rabitɛ, Kisioni, Ebɛsi,

²¹ Remɛtɛ, Ɛnɛ-Ganimɛ, Ɛnɛ-Hada do Bɛtɛ-Pasɛsi.

²² Nɛ li ngbala hɔa zi tɛ lenɔ gɛ: Tabɔrɛ, Sasaimɛ, Bɛtɛ-Semɛsi, nɛ ma Sɔkpɔ do nu lì Yɔrdanɛ. Ma mba zi vɛ̃ mɛ a ogã le 'bu ngɔ nɛ gazɛlɛ, do be lenɔ kɛ zã nɛ ni.

²³ Lenɔ ni vɛ̃ ma a ngɔ nùi kɛ Yozue ba zi hã nu kpala Isakarɛ ni.

Nùi kɛ nu kpala Asɛrɛ kpa zi ma

²⁴ Mɔlɔ nùi kɛ wa ba do wala to zeke ni zi a mɔ́ nu kpala Asɛrɛ.

²⁵ Nùi 'da wa mba zi lenɔ gɛ: Hɛlkatɛ, Hali, Betɛnɛ, Akɛsafɛ,

²⁶ Alamelɛkɛ, Amadɛ do Mikalɛ. Li ngbala si 'biti gɛ̃a wese ngbɛlɛ do tɛ kala Karmɛlɛ, we nɛ dɛ fua lì Sihɔrɛ-Libnatɛ.

²⁷ Li ngbala si 'biti gba wese kpolo tɛ̃ ɛ, nɛ ma kũ dɛ Bɛtɛ-Dagoni, nɛ ma ngbɛlɛ do nùi 'da Zabuloni do gbangɔlɔ̃ Ifta-Ɛlɛ. 'Do nɛ, nɛ ma la si gbãlã ngɔ, we hɔ tɛ Bɛtɛ-Emɛkɛ do Neiɛlɛ. Nɛ ma la 'bɔ dɛ dati, we hɔ tɛ Kabulɛ,

²⁸ Abdoni, Rɛhɔbɛ, Hamoni do Kana, we Sɔkpɔ dɔ̃ɔ do gã le Sidoni.

^29-30 Nɛ ma la dɛ Rama do gba ngbo Tirɛ. Nɛ 'do nɛ, nɛ ma la si Hosa, nɛ ma hɔ do Mahalabɛ, Akzibɛ, Uma, Afɛkɛ do Rɛhɔbɛ, we Sɔkpɔ tɛ nu gba lì Meditɛrane. Ma mba zi vɛ̃ mɛ a ogã le 'bu nɛ bɔa ngɔ nɛ bɔa, do be lenɔ kɛ zã nɛ ni.

³¹ Lenɔ ni vɛ̃ ma a ngɔ nùi kɛ Yozue ba zi hã nu kpala Asɛrɛ ni.

Nùi kɛ nu kpala Nɛftali kpa zi ma

³² Gazɛlɛ nùi kɛ wa ba do wala to zeke ni zi a mɔ́ nu kpala Nɛftali.

³³ Lì ngbala kɛ si ba gɔtɔ yolo zi tɛ Helɛfɛ do ti gã te sɛnɛ tɛ Sananimɛ, nɛ ma la do Adami-Nekɛbɛ do Yabneɛlɛ, nɛ ma hɔ Lakumɛ, nɛ ma Sɔkpɔ tɛ lì Yɔrdanɛ.

³⁴ Li ngbala kɛ si 'biti gɛ̃a wese la dɛ Aznɔtɛ-Tabɔrɛ, nɛ ma kpa le Hukɔkɛ. Nɛ ma ngbɛlɛ do tɛ nùi 'da Zabuloni si ba gɔtɔ, do kɛ 'da Asɛrɛ si 'biti gɛ̃a wese. Li ngbala si 'biti gba wese Sɔkpɔ zi do lì Yɔrdanɛ.

³⁵ Nɛ nde lenɔ kɛ wa dɛa zi gba ngbo zĩ ma takpa ni ma kɛ: Sidimɛ, Sɛrɛ, Hamatɛ, Rakatɛ, Kinerɛtɛ,

³⁶ Adama, Rama, Hasɔrɛ,

³⁷ Kedɛsi, Edrei, Ɛnɛ-Hasɔrɛ,

³⁸ Ironi, Migdalɛ-Ɛlɛ, Horɛmɛ, Bɛtɛ-Anatɛ do Bɛtɛ-Semɛsi. Ma mba zi vɛ̃ mɛ a ogã le 'bu ngɔ nɛ kusi do be lenɔ kɛ zã nɛ ni.

³⁹ Lenɔ ni vɛ̃ ma ngɔ nùi kɛ Yozue ba zi hã nu kpala Nɛftali ni.

Nùi kɛ nu kpala Danɛ kpa zi ma

⁴⁰ Sambo nùi kɛ wa ba do wala to zeke ni zi a mɔ́ nu kpala Danɛ.

⁴¹ Nùi 'da wa mba zi lenɔ gɛ: Sora, Ɛsɛtaɔlɛ, Irɛ-Semɛsi,

⁴² Salabinɛ, Ayaloni, Itla,

⁴³ Eloni, Timna, Ekroni,

⁴⁴ Ɛltɛke, Gibɛtoni, Balatɛ,

⁴⁵ Yɛhudɛ, Bɛne-Bɛrakɛ, Gatɛ-Rimoni,

⁴⁶ fua lì Yarkoni, Rakoni, do nùi kɛ zã le Yafa.

⁴⁷ 'Do nɛ nyɛla, nɛ ogele winɔ wa ndaka Odanɛ ngɔ nùi 'da wa ni, nɛ wa la we bi le Lesɛmɛ. Wa ba le, nɛ wa gbɛ owi kɔ nɛ vɛ̃, nɛ wa ba ma do mɔ́ wa, nɛ wa dɛ tɔa kɔ nɛ. 'Do nɛ, nɛ wa kpolo li le Lesɛmɛ, nɛ wa e li yaa wa Danɛ dɛ zu nɛ.

⁴⁸ Lenɔ lɛ tɔlɔ li nɛ gɛ, mba do be lenɔ vɛ̃ kɛ zã nɛ ni, ma zi ngɔ nùi kɛ Yozue ba zi hã nu kpala Danɛ ni.

⁴⁹ Fala kɛ obe Israɛlɛ wa kɛ̃a nùi dɛ sanga tɛ ngba wa do'do, nɛ wa hã mbe 'bili tɛ nùi 'da wa hã Yozue, be 'da Nunɛ.

⁵⁰ Wa dɛa olo nu nwa, nɛ wa ba le Timnatɛ-Sera kɛ Yozue gɔa ni hã a. Le ni zi a ngɔ kalanɔ ngɔ nùi 'da Efraimɛ. Yozue 'dafa le ni, nɛ a dɛa tɔa 'da a di ni.

⁵¹ Nganga Elazarɛ do Yozue, do okpasa wi ngɔ nu kɔnggɔ Israɛlɛ wa dɛa to kɛ̃ sanga nùi do wala to zeke. Wa dɛa toe ni tɛ le Silo dɛ dati tɔa Tande Kpa Ngba Wi do Gale gbaa, ndɔti nɛ a kɛ ma ia vɛ̃.