Yozue 15 - WE NU GALE 1995

Owi nu kpala Yuda wa kpa nù

¹ Nùi kɛ nu kpala Yuda kpa zi ma ni, ma ndua do li gba zɔ Tisinɛ tɛ li ngbala nù Edɔmɛ, do si ba gɔtɔ.

² Li ngbala nù kɛ si ba gɔtɔ ndua zi do nu kolo Ndɔ Fio gbaa do gɔtɔ i.

³ Ma la zi do ti nyanga kala Akrabimɛ, do li gba zɔ̃ Tisinɛ si ba gɔtɔ. Nɛ ma la 'bɔ do le Kadɛsɛ-Barnea, nɛ ma ku do tɛ le Hɛsroni gbaa we hɔ tɛ le Adarɛ. Nɛ ma ba do ngɔ le Karka,

⁴ nɛ ma la dɛ tɛ le Asmoni. Nɛ yolo tɛ Asmoni, nɛ ma la do kɛ zã fua lì kɛ mɛ a lì ngbala nù Ezipeto, gbaa we hɔ tɛ nu gba lì Meditɛrane. Ki ni zi a ngbala nù Yuda kɛ si ba gɔtɔ.

⁵ Nɛ si 'biti gba wese, li ngbala nù Yuda zi a lì Ndɔ Fio. Ma yula do si ba gɔtɔ, nɛ ma la si gbãlã ngɔ, we Sɔkpɔ do fala fua lì Yɔrdanɛ a ngɔ Ndɔ Fio ni.

⁶ Yolo di ni, nɛ ma kũ dɛ tɛ le Bɛtɛ-Hogla, nɛ ma la si gbãlã ngɔ, tɛ le Bɛtɛ-Araba, nɛ ma nɛ gbaa tɛ ta kɛ wa sa li nɛ na: “Ta 'da Bohanɛ.” Bohanɛ zi a mbe be 'da Rubɛnɛ.

⁷ Nɛ lì ngbala nɛ la do gbangɔlɔ̃ Akɔrɛ, nɛ ma kũ dɛ tɛ le Dɛbirɛ we hɔ tɛ Gilgalɛ si gbãlã ngɔ. Le Gilgalɛ ka mɔ dɛ tɛ kala Adumimɛ, kɛ ma do kɔ gbangɔlɛ̃ si ba gɔtɔ. Li ngbala la zi 'bɔ dɔ̃ɔ do nu 'de Ɛnɛ-Semɛsi, we hɔ tɛ le Ɛnɛ-Rogɛlɛ.

⁸ Yolo di ni, nɛ ma kũ gbangɔlɔ̃ Hinɔmɛ, nɛ ma danga dɛ ngɔ kala 'da Oyebuzi si ba gɔtɔ, tɛ fala wa dɛa do le Yeruzalɛmɛ ni. Nɛ li ngbala kũ zi gbaa zu kalanɔ ndũu 'do gbangɔlɔ̃ Hinɔmɛ, si 'biti gɛ̃a wese, do ndɔti gbangɔlɔ̃ Orɛfa si gbãlã ngɔ.

⁹ Yolo di ni, nɛ li ngbala la si tɛ zu lì Nɛftoa, nɛ ma kpa olenɔ dɔ̃ɔ do ngɔ kala Efroni. Nɛ ma la si tɛ le Baala, kɛ wa sa zi 'bɔ li nɛ na Kiriatɛ-Yearimɛ.

¹⁰ Yolo tɛ Baala ni, nɛ li ngbala kpolo 'bɔ tɛ̃ ɛ si 'biti gɛ̃a wese, si ngɔ kala Seirɛ, we hɔ tɛ ngɔ kala Yearimɛ tabi Kɛsaloni, nɛ ma zĩlĩ si tɛ le Bɛtɛ-Semɛsi, do le Timna.

¹¹ Nɛ li ngbala nɛ la dɛ ngɔ kala si gbãlã ngɔ tɛ le Ekroni, nɛ ma la si tɛ le Sikroni, nɛ ma la do kɛ zã kala Baala, we hɔ tɛ le Yabne. Nɛ ma Sɔkpɔ do gba lì Meditɛrane.

¹² Li ngbala si 'biti gɛ̃a wese, ma zi do gba lì Meditɛrane. Tɛlɛ tɛ ngbala nùi kɛ owi nu kpala Yuda wa kpa zi gɛ a ni.

Kalɛbɛ ba le Hebroni do le Dɛbirɛ

¹³ NWA Gale ba zi nu ɛ hã Yozue na, a hã mbe nù Yuda hã Kalɛbɛ, be 'da Yɛfune. Na mɛ ni, Yozue hã le Hebroni hã a. Wi ndua zi dɛ le Hebroni wi a Arba, yaa Oanakɛ.

¹⁴ Do 'da fala kɛ Yozue hã le Hebroni hã Kalɛbɛ ni, nɛ nde owi nu fɛlɛ Sekai, do Ahimanɛ, do Talmai, wa ɔ zi tɛ kɔ le ni. Wa zi a owi nu fɛlɛ Anakɛ. Nɛ Kalɛbɛ ndaka wa vɛ̃, nɛ a ba le olo wa ni do mɔ́ a.

¹⁵ Nɛ a yolo dɛ di ni, nɛ a nɛ we bi owi kɔ le Dɛbirɛ. Do 'da fala ni, wa sa zi 'bɔ li le Dɛbirɛ na Kiriatɛ-Sefɛrɛ.

¹⁶ Nɛ Kalɛbɛ tɔ̃ na, wele kɛ a ba le Kiriatɛ-Sefɛrɛ, nɛ ɛ hã sɛ be zɔnga be 'dɛ ɛ Akɛsa hã a, nɛ a ba a do kɛnɛ a.

¹⁷ Nɛ Otniɛlɛ, be 'da Kɛnazɛ, kɛ a a hɔ dɛ 'do Kalɛbɛ ni, a ba le Kiriatɛ-Sefɛrɛ. Nɛ Kalɛbɛ hã be 'da a Akɛsa hã Otniɛlɛ, nɛ wa ba ngba wa.

¹⁸ Wa nɛa we ba ngba wa, nɛ Otniɛlɛ tɔ̃ hã Akɛsa na, a aka baa a Kalɛbɛ na, a hã fɔ hã lo. Akɛsa nɛa 'da baa a Kalɛbɛ i, kɔ a nɛa we hɔ i mɔ, nɛ a zĩ nù ngɔ punda 'da a. Nɛ baa a aka a na: “Mɛ mɔ kɔ̃a na, mi hã ma hã mɔ ni a ge nde?”

¹⁹ Nɛ Akɛsa gese na: “Mɔ kɔ̃, nɛ mɔ hã́ mbe zu lì hã mi, we kɛ nùi mɔ hã hã mi gɛ, ma kolo wena.” Kalɛbɛ zila ní, nɛ a hã zu lìnɔ si ngɔ kala, do kɛnɔ si gɔtɔ hã be 'da a Akɛsa.

Li lenɔ kɛ Yozue kɛ̃a ma hã nu kpala Yuda

²⁰ 'Da fala kɛ̃ nùi, nɛ wa hã nùi gɛ hã nu kpala Yuda.

²¹ Nùi kɛ dati, ma nyɛlɛ zi gbaa dɛ gɔtɔ tɛ li gba zɔ̃ Negɛvɛ i, nɛ ma kɔlɔ dɔ̃ɔ do nù Edɔmɛ. Li olenɔ ngɔ nùi ni ma kɛ: Kabseɛlɛ, Edɛrɛ, Yagurɛ,

²² Kina, Dimona, Adeada,

²³ Kedɛsi, Hasɔrɛ, Itnanɛ,

²⁴ Zifɛ, Telɛmɛ, Bealɔtɛ,

²⁵ Hasɔrɛ-Hadata, Kɛriɔtɛ, Hɛsroni, (kɛ wa sa 'bɔ li nɛ na Hasɔrɛ ni),

²⁶ Amamɛ, Sɛma, Molada,

²⁷ Hasarɛ-Gada, Hɛsɛmoni, Bɛtɛ-Pelɛtɛ,

²⁸ Hasarɛ-Sualɛ, Bɛrseba,

²⁹ Baala, Iyimɛ, Ɛsɛmɛ,

³⁰ Ɛltoladɛ, Kɛsilɛ, Horma,

³¹ Siklagɛ, Madmana, Sanɛsana,

³² Lɛbaɔtɛ, Silimɛ do Ɛnɛ-Rimoni. Ma mba zi vɛ̃ ogã le 'bu nɛ bɔa ngɔ nɛ kusi, do be lenɔ kɛ zã nɛ ni.

³³ Nù kɛ bɔa kɛ nu kpala Yuda kpa zi ma ni, ma a tɛ nyanga kalanɔ si 'biti gɛ̃a wese. Li olenɔ ngɔ nùi ni ma kɛ: Ɛsɛtaɔlɛ, Sora, Asɛna,

³⁴ Zanoa, Ɛnɛ-Ganimɛ, Tapua, Enamɛ,

³⁵ Yarmutɛ, Adulamɛ, Soko, Azeka,

³⁶ Saraimɛ, Aditaimɛ, Gɛdera, Gɛderotaimɛ. Ma mba zi vɛ̃ a ogã le 'bu ngɔ nɛ nalɛ, do be lenɔ kɛ zã nɛ ni.

³⁷ Mbe lenɔ kɛ wa kpa zi 'bɔ ma ni, ma kɛ: Sɛnanɛ, Hadasa, Migdalɛ-Gadɛ,

³⁸ Dilanɛ, Mispe, Yoketeɛlɛ,

³⁹ Lakisi, Bɔskatɛ, Egloni,

⁴⁰ Kaboni, Lahemasi, Kitlisi,

⁴¹ Gɛderɔtɛ, Bɛtɛ-Dagoni, Nama, do Makeda. Ma mba zi vɛ̃ ogã le 'bu ngɔ nɛ gazɛlɛ, do be lenɔ kɛ zã nɛ ni.

⁴² Nɛ ma mba 'bɔ Libna, Etɛrɛ, Akanɛ,

⁴³ Ifta, Asɛna, Nɛsibɛ,

⁴⁴ Keila, Akzibɛ, do Maresa. Ma mba zi vɛ̃ ogã le kusi, do be lenɔ kɛ zã nɛ ni.

^45-47 Le Ekroni zi 'bɔ boe, mba do gã lenɔ do be lenɔ gbaa we hɔ tɛ nu gba lì Meditɛrane. 'Do nɛ, nɛ olenɔ dɔ̃ɔ do Asdɔdɛ do Gaza, mba do be lenɔ gbaa we hɔ nu lì li ngbala nù Ezipeto, do nu gba lì Meditɛrane.

⁴⁸ Olenɔ zi kɔ 'bili tɛ nùi ngɔ kala ma kɛ: Samirɛ, Yatirɛ, Soko,

⁴⁹ Dana, Kiriatɛ-Sana, kɛ wa sa 'bɔ li nɛ na Dɛbirɛ,

⁵⁰ Anabɛ, Ɛstɛmoa, Animɛ,

⁵¹ Gosɛnɛ, Holoni, do Gilo. Ma mba zi vɛ̃ ogã le 'bu ngɔ nɛ kpo, do be lenɔ kɛ zã nɛ ni.

⁵² Mbe lenɔ ngɔ 'bili tɛ nùi ngo kala zi 'bɔ boe. Mɛ zi a: Arabɛ, Ruma, Ekanɛ,

⁵³ Yanumɛ, Bɛtɛ-Tapua, Afeka,

⁵⁴ Humɛta, Kiriatɛ-Arba, kɛ wa sa 'bɔ li nɛ na Hebroni, do Siɔrɛ. Ma mba zi vɛ̃ ogã le kusi, do be lenɔ kɛ zã nɛ ni.

⁵⁵ 'Do nɛ, mɛ a olenɔ gɛ: Maoni, do Karmɛlɛ, Zifɛ, Yuta,

⁵⁶ Yizreɛlɛ, Yokdeamɛ, Zanoa,

⁵⁷ Kainɛ, Gibea, do Timna. Ma mba zi vɛ̃ ogã le 'bu, do be lenɔ kɛ zã nɛ ni.

⁵⁸ Otala lenɔ ni zi 'bɔ a: Halulɛ, Bɛtɛ-Surɛ, Gɛdɔrɛ,

⁵⁹ Maratɛ, Bɛtɛ-Anɔtɛ, do Ɛltɛkɔnɛ. Ma mba zi vɛ̃ ogã le gazɛlɛ, do be lenɔ kɛ zã nɛ ni.

⁶⁰ Mba do Kiriatɛ-Bala, kɛ wa sa 'bɔ li nɛ na Kiriatɛ-Yearimɛ, do Raba. Mɛ zi a ogã le bɔa, do be lenɔ kɛ zã nɛ ni.

⁶¹ Nɛ nde olenɔ li gba zɔ̃ ni zi 'bɔ boe. Mɛ zi a Bɛtɛ-Araba, Midinɛ, Sɛkaka,

⁶² Nibɛsanɛ, Irɛ-Hamela, do Ɛnɛ-Gedi. Ma mba zi vɛ̃ ogã le gazɛlɛ, do be lenɔ kɛ zã nɛ ni.

⁶³ Owi nu kpala Yuda wa zi do ngawi ndaka Oyebuzi, kɛ wa ɔ zi tɛ Yeruzalɛmɛ ni bina. Nɛ wa 'bana ɔ dɛ sanga obe Yuda ni, tia do sɔɛ gɛ.