Yozue 12 - WE NU GALE 1995

Li Onwanɔ kɛ Mɔizɛ nɛa zi ngɔ wa li bole

¹ Zi dati, nɛ Mɔizɛ do obe Israɛlɛ, wa bi do onwa bɔa tɛ kulu lì Yɔrdanɛ, si 'biti gba wese, nɛ wa kala nùnɔ 'da wa. Nùi kɛ wa ba ni, ma yolo nu fua lì Arnoni, tɛ nu gbangɔlɔ̃ lì Yɔrdanɛ, gbaa we hɔ ngɔ kala Hɛrmoni, si gbãlã ngɔ.

² Kuti nwa kɛ Mɔizɛ do obe Israɛlɛ wa bi a, wi a Sihoni nwa ngɔ nù Amori, kɛ a ɔ tɛ le Hɛsɛboni. A a nwa ngɔ nùi, yolo tɛ Arɔɛrɛ, kɛ ma nu fua lì Arnoni, do kpo mbe bɔa 'bili tɛ nù Galadɛ, we hɔ tɛ nu fua li Yabɔkɛ. Lì Yabɔkɛ mɛ a ngbala nùi 'da wa do Oamoni.

³ Nùi 'da Sihoni tɛ si 'biti gɛ̃a wese ma ndua do gbangɔlɔ̃ lì Yɔrdanɛ, yolo nu gã Ndɔ Galile si gbãlã ngɔ, gbaa we hɔ nu lì Ndɔ Fio si ba gɔtɔ, nɛ ma la gbaa we hɔ tɛ le Bɛtɛ-Yɛsimɔtɛ, tɛ kala Pisga si 'biti gba wese.

⁴ Nwa kɛ bɔa kɛ Mɔizɛ do obe Israɛlɛ wa bi a, wi a Ɔgɛ. A zi a mbe kpo kɔ odu winɔ, kɛ wa sa li wa na Orɛfa ni. A zi a nwa ngɔ nù Basanɛ, nɛ a ɔ tɛ Asɛtarɔtɛ, tabi tɛ Edrei.

⁵ Nùi 'da a nɛa gbaa, nɛ ma hɔ ngɔ kala Hɛrmoni, si gbãlã ngɔ, nɛ ma la gbaa dɛ tɛ le Salka, si 'biti gba wese. Ɔgɛ zi 'bɔ a nwa ngɔ nù Basanɛ vɛ̃, gbaa we hɔ tɛ li ngbala Gesurɛ, do Maaka, si 'biti gba wese. Nɛ a 'bɔ a nwa ngɔ tala kpo mbe bɔa 'bili tɛ nù Galadɛ, gbaa we hɔ tɛ nùi 'da Sihoni, nwa ngɔ le Hɛsɛboni.

⁶ Mɔizɛ do obe Israɛlɛ wa nɛa ngɔ Onwanɔ bɔa ni li bole. Nɛ Mɔizɛ, wi dɛa toe 'da NWA Gale, kɛ̃a nùnɔ ni hã nu kpala Rubɛnɛ, do Gadɛ do kpo mbee nu kpala Manase.

Li Onwanɔ kɛ Yozue nɛa ngɔ wa li bole

⁷ 'Do nɛ, nɛ Yozue do obe Israɛlɛ wa nɛa ngɔ Onwanɔ vɛ̃ kɛ nùnɔ 'da wa ma tɛ kulu lì Yɔrdanɛ, si 'biti gɛ̃a wese. Nɛ wa nɛa ngɔ wa vɛ̃, yolo do tɛ le Bala-Gadɛ, kɔ gbangɔlɔ̃ Libanɛ, si gbãlã ngɔ, gbaa we hɔ ngɔ kala kɛ do ta, nɛ wɔkɔsɔ hɔ́ ngɔ nɛ gɔ, dɔ̃ɔ do Seirɛ, si ba gɔtɔ ni. Yozue ba nùnɔ ni hã obe Israɛlɛ, nɛ a kɛ̃ ma hã nu kpala wa kpo kpo.

⁸ Nùnɔ ni ma kɛ: nù kɛ ngɔ kalanɔ, do nyanga kalanɔ si 'biti gɛ̃a wese, do gbangɔlɔ̃ lì Yɔrdanɛ, do mbɛ nù kɛ nu gba lì, do kɛ li gba zɔ̃, do nù Negɛvɛ. Mɛ zi a nùnɔ 'da Ohiti, do Okanana, do Ohivi, do Opɛrizi, do Oamori do Oyebuzi.

⁹ Lì olenɔ kɛ obe Israɛlɛ wa nɛa zi ngɔ onwa nɛ ni, ma kɛ: Yeriko, Ai, kɛ ma dɔ̃ɔ do Betɛlɛ,

¹⁰ Yeruzalɛmɛ, Hebroni,

¹¹ Yarmutɛ, Lakisi,

¹² Egloni, Gezɛrɛ,

¹³ Dɛbirɛ, Gedɛrɛ,

¹⁴ Horma, Aradɛ,

¹⁵ Libna, Adulamɛ,

¹⁶ Makeda, Betɛlɛ,

¹⁷ Tapua, Hefɛrɛ,

¹⁸ Afɛkɛ, Saroni,

¹⁹ Madoni, Hasɔrɛ,

²⁰ Simroni-Mɛroni, Akɛsafɛ,

²¹ Tanakɛ, Megido,

²² Kedɛsi, Yokneamɛ kɛ tɛ Karmɛlɛ,

²³ Dɔrɛ kɛ nu lì, Goimɛ tɛ Galile,

²⁴ do Tirsa. Ngɔ gili Onwanɔ ni vɛ̃ 'bu wa talɛ ngɔ wa kpo.