YƆBƆ 35 - WE NU GALE 1995

Elihu na fo saka we nu Yɔbɔ bina

¹ Nɛ Elihu tɔ̃ na:

² Aa Yɔbɔ, mɔ lengge na, 'da fala kɛ mɔ tɔ̃ na mɔ a wi bɔlɔ zu li Gale, nɛ nde mɛ a gbãlã we nde?

³ Tabi 'da fala kɛ mɔ aka Gale na, 'dã mɛ ɛ dɛ ni, ma zɛlɛ a zɛla nde, nɛ nde ki ni a gbãlã we aka we nde?

⁴ Mi gese sɛ nu we 'da mɔ hã mɔ do ongba mɔ.

⁵ Mɔ ba li mɔ ngɔ, hã mɔ soko li nza, mɔ zɔ gba kutunɔ gbaa li ngɔ i ni.

⁶ 'Da fala kɛ mɔ dɛ 'dã mɔ, nɛ ma wia we zɛlɛ tɛ Gale nde? Mɔ dɛ 'dã mɔ wena, nɛ mɛ ma nɛ dɛ do a ni a ge nde? Ma dɛ́ mɔ kpo do a gɔ.

⁷ Kɔ fala kɛ mɔ dɛ de mɔ, nɛ mɛ a kpa kɔ̃ mɔ olo nɛ ni a ge nde? A kpá mɔ kpo olo nɛ gɔ.

⁸ Mɔ dɛ de mɔ tabi 'dã mɔ, nɛ nde mɔ dɛ ma hã ongba mɔ wele iko.

⁹ 'Da fala kɛ owinɔ wa zɔ ngamɔ wena, tabi tɛ wa zɛlɛ ti kɔ̃ o'dã nwanɔ, nɛ wa he kɔ̃a, nɛ wa zɛ nu wa.

¹⁰ Nɛ nde wele kpo kɔ wa ni áká na: “Gale kɛ a dɛa lɛ, nɛ a hã kpã sila hã lɛ, nɛ lɛ ga zuma hã a do tũi ni, a a do nde” ni gɔ.

¹¹ Wa síkí li wa dɛ 'da Gale, kɛ a hã mbula hã lɛ nɛa ngɔ osa'denɔ, nɛ a hã 'bɔ hã zã hã lɛ nɛa ngɔ onɔɛnɔ ni gɔ.

¹² Wa sa mɔ hã Gale na a gala wa, nɛ nde a gésé we hã wa gɔ, we duzu gà zui 'da o'dã winɔ.

¹³ Wa zɛ nu wa gbaa, nɛ nde ma dɛ́ mɔ kpo gɔ. We kɛ Gale kɛ a do nganda vɛ̃ ni, a lénggé do wa gɔ.

¹⁴ Yɔbɔ, mɔ tɔ̃ na, ɛ zɔ́ Gale gɔ, ɛ tɔ̃a gulu we 'da ɛ hã a, nɛ ɛ 'bɔ 'da a zãa.

¹⁵ Nɛ mɔ tɔ̃ 'bɔ na, zã a nɔ̃́lɔ̃́ dɛ tɛ o'dã winɔ gɔ, nɛ a lénggé do nga zu mɔ́ wele gɔ.

¹⁶ Nɛ nde fo gulu lɛnggɛ kɛ mɔ tɔ̃ gɛ bina, mɔ wele we yala yala iko.