Yeremi 45 - WE NU GALE 1995

Gale tombo to we mbɔkɔ sila Barukɛ

¹ Yoakimɛ, be 'da Yoziasi ɔa sabɛlɛ nalɛ tɛ dɛa to nwa 'da a tɛ ngɔ nù Yuda, nɛ Barukɛ, be 'da Neria kɔma wenɔ kɛ mi Yeremi, mi tɔ̃a hã a ni dɛ kɔ 'buku.

² Nɛ NWA Gale 'da obe Israɛlɛ wila we dɛ ngɔ Barukɛ,

³ we kɛ a bi zi tɛ̃ a fai na: “'Bakoe 'daa! NWA gã 'da zɛlɛ tɛ 'daa gã iko! Mi mbɔkɔ tɛ he kɔ̃a do'do, nɛ mi kpá mbe fala we kpe tɛ mi gɔ.”

⁴ Ma kɛ NWA tumba mi hã a na: “Mi NWA, mi tɛ gbini tɔanɔ zi mi dɛa ni, nɛ mi tɛ zu'du tenɔ zi mi mi ni dɛ nù. Nɛ mi dɛ sɛ na mɛ ni tɛ ngɔ nù gɛ vɛ̃,

⁵ Kɔ mɔ kɔ̃a we fa tati a kpasi 'da mɔ zu mɔ kpo nde? Mɔ tɛ dɛ̃ ni gɔ! Mi tombo sɛ ngamɔ dɛ ngɔ owinɔ. Nɛ nde mi dɛ sɛ na, mɔ zu mɔ kpo mɔ dungu do ba tɛ mɔ tɛ falanɔ vɛ̃ kɛ mɔ nɛ sɛ nɛ ni. Mi NWA, mi tɔ̃a ni.”