Zumanɔ 98 - WE NU GALE 1995

Lɛ dɔ́nggɔ́ Gale, wi kpasa lɛ

¹ Nɛ gá mbé zuma hã NWA, we kɛ a dɛa oɔngbamɔ. A nɛa ngɔ Owi sɛnɛ a do ngawi santo 'da a.

² NWA bia hã owinɔ ngɔ nù gɛ vɛ̃ na, a a wi kpasa lɛ. Nɛ a bia bɔlɔ zui 'da a hã Owi sɛnɛ lɛ.

³ Ta zu Gale èlè ngɔ dɛ olo nu a hã lɛ obe Israɛlɛ gɔ. A bia dia zã 'da a hã lɛ, nɛ owinɔ ngɔ nù gɛ vɛ̃ wa zɔa kɛ a kpasa lɛ ni.

⁴ Aa nɛ, owinɔ ngɔ nù gɛ vɛ̃, nɛ dɛ́ yangga, nɛ nɛ zɛ́ kaliã, nɛ nɛ gá zuma hã NWA.

⁵ Nɛ kálá obe kundu do ogã kundu, nɛ nɛ zɛ́ do zuma hã a.

⁶ Nɛ dámá mɔtũlũ do gaga, we dɔnggɔ do Gale, nwa 'da lɛ,

⁷ E kɔ gba lì do omɛnɔ kɔ nɛ ni, ma dɛ yangga, nɛ nùi do owinɔ ngɔ nɛ gɛ wa ga zuma.

⁸ E kɔ fua lìnɔ, mba do okalanɔ, ma te salangga dati nwa,

⁹ we kɛ a tɛ we dungu nwa ngɔ nù gɛ. A 'bili we 'da owinɔ do bɔlɔ nɛ ngboo.