Zumanɔ 97 - WE NU GALE 1995

Gale a nwa ngɔ mɛnɔ nyanga nza gɛ vɛ

¹ NWA Gale a nwa, e kɔ owinɔ ngɔ nù gɛ wa zɛ kaliã, nɛ wanɔ vɛ̃ kɛ nùi 'da wa nyɛlɛ wena ni, wa dɛ yangga.

² Gba kutu kpia kɛ zã a kpã kpã Dɛa to nwa 'da a ma nganda we gbãlã we do de dɛa mɛ 'da a.

³ Nyɛa we kpe dati a, nɛ ma bɛlɛ Owi sɛnɛ a kɛ zã a do'do.

⁴ Nyɛa li kolonɔ 'da a kpa ngɔ nù gɛ vɛ̃, nɛ owinɔ wa zɔ ma, nɛ wa tana kili.

⁵ NWA ngɔ mɔ nyanga nza vɛ̃ hɔ, nɛ okalanɔ gɔnɔ lì dati a ɔ nɛ nɔ ni.

⁶ Owinɔ li nza i wa tɔ̃ lɛnggɛ bɔlɔ zui 'da a, nɛ owanɔ vɛ̃ ngɔ nù gɛ, wa zɔ dɔ̃lɔ̃ li 'da a.

⁷ Owinɔ vɛ̃ kɛ wa dɔnggɔ okpikimanɔ, nɛ wa gbini zã wa do mɔ kɛ ma yala iko ni, wa kpa sɛ sape. Aa nɛ, galenɔ vɛ̃, nɛ gú nù ti NWA.

⁸ Aa NWA, owi Sioni wa zɛ kaliã, nɛ owi kɔ lenɔ ngɔ nù Yuda wa dɛ yangga, we duzu 'bili wenɔ 'da mɔ.

⁹ Mba gɔ, mɔ Gale mɔ gã wena, mɔ a NWA ngɔ mɛnɔ nù gɛ vɛ̃, nɛ mɔ nɛa ngɔ ogalenɔ vɛ̃.

¹⁰ NWA kɔ̃a gɛnɛ winɔ kɛ wa sɛnɛ 'dã mɔ ni. A zɔ mɔ tɛ owinɔ 'da a na, wa 'bana do kpasi fai, nɛ a kpasa wa ti kɔ̃ o'dã winɔ.

¹¹ Fala sa 'da Owi bɔlɔ zunɔ, nɛ Owi dia silanɔ wa do yangga.

¹² Aa nɛ, owi bɔlɔ zunɔ, nɛ dɛ́ yangga mɛnɔ NWA dɛa ni. Nɛ dɔ́nggɔ́ a, nɛ ta zu nɛ ɔ́ ngɔ na, a a Gale santo.