Zumanɔ 93 - WE NU GALE 1995NWA Gale a nwa 1 NWA Gale a nwa. A do ngawi do dɔlɔ li wena, nɛ ma hi'da a ɔ nɛ tulu ni. Nùi ma yula nganda, ma yáká sɛ gɔ. 2 Aa NWA, nyanga dɛa to nwa 'da mɔ ba nù zi belee, nɛ mɔ fai a Gale. 3 Aa NWA, ogba lìnɔ ma dɛ dã nganda wena, nɛ ma dɛ ngele, nɛ ma sulu wuu. 4 Nɛ nde yolo do li nza i, mɔ NWA Gale, mɔ dungu nwa ngɔ mɛnɔ vɛ̃. Mɔ gã nɛa ngɔ gba lìnɔ kɛ ma sulu ni, nɛ mɔ nganda nɛa ngɔ ngele lìnɔ ni. 5 Aa NWA, mɔ ia mbulanɔ 'da mɔ do wala olo nɛ ngboo, Tɛmpɛloe 'da mɔ a tɔa santo kɔ sabɛlɛ do sabɛlɛ. |
Ngbaka DC Bible (We Nu Gale) Version © Bible Society of the Democratic Republic of Congo, 1995.
Bible Society of the Democratic Republic of Congo