Zumanɔ 87 - WE NU GALE 1995

Le Yeruzalɛmɛ a le 'da onu kɔnggɔnɔ vɛ

1 Zuma 'da Kore

¹ Zuma 'da Kore NWA Gale dɛa le Yeruzalɛmɛ, a dɛa ma ngɔ kalanɔ 'da a kɛ ma santo.

² A kɔ̃a gɛnɛ le Yeruzalɛmɛ wena, a kɔ̃a ma nɛa ngɔ otala lenɔ ngɔ nù Israɛlɛ gɛ vɛ̃.

³ Gale tɔ̃ lɛnggɛ ngɔ le 'da a, nɛ a kɔ̃a we hã dɔ̃lɔ̃ li hã Yeruzalɛmɛ.

⁴ Gale na: “Mi tɔlɔ sɛ Oezipeto do Obabilonia sanga owinɔ wa dɔnggɔ mi ni. Mi mba sɛ wa do Ofilisti, owi Tirɛ do Oetiopi. Winɔ ni vɛ̃ wa do le 'da wa kpo kpo boe,

⁵ nɛ nde wa vɛ̃ wa tɔ̃ sɛ na: Le 'da lo ngboo a Sioni. Wi dɛa le ni, wi a Gale kɛ a nɛa ngɔ mɔ vɛ̃.”

⁶ NWA kɔma li owinɔ 'da a, nɛ a dɛa dɛ zu wa kpo kpo na: “Ngi le 'da wa a Sioni.”

⁷ Winɔ wa yɔ yɔla yangga, nɛ wa ga zuma na: “Lɛ hɔ tɛ Sioni, nɛ nde lɛ hɔa le 'da lɛ ia.”