Zumanɔ 82 - WE NU GALE 1995

Gale a nwa kɛ a nɛa ngɔ mɔ vɛ

1 Zuma 'da Asafɛ

¹ Zuma 'da Asafɛ Gale ngɛmɛ owinɔ li nza i dɛ kɛ zã a, nɛ a dungu nù dɛ gbogbo wa we 'bili we, nɛ a na:

² “Nɛ tɛ gɔ̀nɔ̀ ngbangganɔ do bɛlɛ gɔ, nɛ tɛ gbɛ̃ dia gulu we hã owi 'dã gulu we gɔ.

³ Ma wia na, nɛ gbɛ dia we hã sulu wi tabi be gula, nɛ nɛ 'bili we do bɔlɔ nɛ hã wi sã tabi wi 'bako.

⁴ Nɛ fó wa ti kɔ̃ o'dã winɔ, nɛ nɛ kpásá wa.

⁵ “Nɛ nde nɛ, nɛ ĩ́ mɔ kpo gɔ, wa 'danga linggamɔ zu nɛ do'do, nɛ fo 'bɔ wi 'bili we do bɔlɔ nɛ ngɔ nù gɛ bina.

⁶ Mi tɔ̃a de wena na, nɛ a ogale, nɛ nɛ vɛ̃ a owi nu fɛlɛ mi Gale, kɛ mi nɛa ngɔ mɔ vɛ̃ ni.

⁷ Nɛ nde nɛ fe sɛ ɔ nɛ owele iko ni, kpasi 'da nɛ ma Sɔkpɔ sɛ ɔ nɛ kɛ 'da Onwanɔ ngɔ nù gɛ ni.”

⁸ Aa Gale, mɔ tɛ́, hã mɔ 'bili ngbangganɔ ngɔ nù gɛ, we kɛ wele nùi vɛ̃ a mɔ́ mɔ.