Zumanɔ 8 - WE NU GALE 1995

Dɔ̃lɔ̃ li 'da Gale

¹ Zuma 'da Davidi

² Aa Gale, mɔ a NWA 'da lɛ. Gã dɔ̃lɔ̃ li 'da mɔ ma yɛ'bɛ ngɔ nùi gɛ vɛ̃! Nɛ tɛ li nza i wa ĩ na, mɔ gã wena.

³ Wala gɛlɛ obenɔ, do onzɔ benɔ, kɛ wa dɔnggɔ mɔ ni, ma hã sape hã Owi sɛnɛ mɔ, nɛ ma ba we nu wa do'do, ɔ nɛ kɛ ngbo kele dati wa kila ni.

⁴ Fala kɛ mi ba li mi dɛ ngɔ, hã mi zɔ li nza kɛ mɔ dɛa ni, do zɛkɛ do osɔlanɔ kɛ ma to ndũu li ngɔ i ni,

⁵ nɛ mi aka tɛ mi na: Wele tɛ mɛ a ge, takɔ mɔ lengge do a ni ni? Wele wia tɛ mɛ mbe mɔ dati mɔ Gale wia, takɔ mɔ sɔnzɔ do a nde?

⁶ Ĩ na, mɔ dɛa wele, nɛ a nɛa we ɔ nɛ oanzɛnɔ ni. Nɛ mɔ hã dɔ̃lɔ̃ li hã a.

⁷ Mɔ ia wele do nwa ngɔ omɛnɔ vɛ̃ kɛ mɔ dɛa ni. Nɛ mɛnɔ vɛ̃ ma do ti wele iko.

⁸ Mɛ a obatanɔ, oduanɔ, ongɔmbɔnɔ, do osa'de zamɛnɔ,

⁹ onɔɛnɔ li ngɔ gɛ, do okɔyɔnɔ, do osa'denɔ kɛ wa ɔ 'dɔ lìnɔ ni.

¹⁰ Aa Gale, mɔ a NWA 'da lɛ. Gã dɔ̃lɔ̃ li 'da mɔ ma yɛ'bɛ ngɔ nùi gɛ vɛ̃!