Zumanɔ 76 - WE NU GALE 1995

Gale nɛa ngɔ Owi sɛnɛ a li bolo

¹ Zuma 'da Asafɛ

² Gale dɛa na, owi ngɔ nù Yuda wa ĩ ti ɛ, nɛ a kpa dɔ̃lɔ̃ li ngɔ nù Israɛlɛ wena.

³ A ɔ ngɔ kala Sioni, nɛ tɔa 'da a ma a tɛ Yeruzalɛmɛ.

⁴ A gbini zi sanga kpilinɔ, do ngelenɔ, do du kɔyanɔ, do omɔ bi bolonɔ 'da Owi sɛnɛ lɛ vɛ̃ dɛ di ni.

⁵ Aa Gale, mɔ gã wena. Mɔ yula ngɔ kalanɔ i, nɛ mɔ si do dɔ̃lɔ̃ li, we kɛ mɔ nɛa ngɔ Owi sɛnɛ mɔ li bolo.

⁶ Mɔ nɛa ngɔ onga sodanɔ 'da wa, nɛ mɔ gbɛa wa li bolo, nɛ mɔ kala mɔ kɔ̃ wa vɛ̃. Ngawi do hã zã 'da wa hɔa mɔ yala iko.

⁷ Mɔ, Gale 'da Yakɔbɔ, mɔ kpa we do wa, nɛ nyanga mbalatanɔ 'da wa do owi kũ ngɔ wa ma kungga.

⁸ Mɔ NWA, winɔ vɛ̃ wa dɛ kili mɔ dɛa, wi wia we yolo dati dã 'da mɔ a wio nde?

⁹ Mɔ 'bili wenɔ tɛ li nza i, nɛ owinɔ ngɔ nù gɛ vɛ̃ wa dɛ kili. Nɛ ngɔ tɛ wa gɛ̃ kpi kpi kpi,

¹⁰ do fala kɛ mɔ kulu ngɔ we gɔnɔ ngbangga, we kpasa owi 'bakonɔ ngɔ nù gɛ vɛ̃ ni.

¹¹ Na mɛ ni, nɛ owi nɔ̃lɔ̃ zãnɔ wa hã dɔ̃lɔ̃ li hã mɔ, nɛ owinɔ kɛ wa kpasa kɔ nɔ̃lɔ̃ zã 'da mɔ ni, wa dungu sɛ ɛngga we duzu mɔ.

¹² Aa nɛ, nɛ dɛ́ olo mbuli kɛ nɛ kpua hã NWA Gale 'da nɛ ni. Nɛ, owinɔ vɛ̃ kɛ nɛ fala nɛ kpo do Gale ni, nɛ tɛ́ do dɔnggamɔ hã a. A a wi kɛ lɛ dɛ kili a wena.

¹³ Mba gɔ, a fo dĩ zu ogã winɔ, nɛ a hã kili hã Onwanɔ.