Zumanɔ 67 - WE NU GALE 1995

Zuma dɔnggɔ do Gale we dia dɛa mɛ 'da a

¹ Zuma 'da Davidi

² Aa Gale, mɔ ĩ́ 'bako hã lɛ, mɔ wélé nu mɔ tɛ lɛ, nɛ mɔ bé dia zã 'da mɔ hã lɛ,

³ nɛ owinɔ ngɔ nù gɛ vɛ̃ wa ĩ sɛ ti linggamɔ zu mɔ, nɛ wa ĩ sɛ 'bɔ na, mɔ do ngawi kpasa wa boe.

⁴ Aa Gale, e kɔ owinɔ vɛ̃ wa dɔnggɔ mɔ, e kɔ wa mba vɛ̃ kpo hã wa dɔnggɔ mɔ!

⁵ E kɔ nu kɔnggɔ owinɔ wa dɛ yangga, nɛ wa ga zuma, mba gɔ, mɔ 'bili ngbangga 'da owinɔ do bɔlɔ nɛ, nɛ mɔ dungu nwa ngɔ owinɔ nyanga nza gɛ yerr.

⁶ Aa Gale, e kɔ owinɔ vɛ̃ wa dɔnggɔ mɔ, e kɔ wa mba vɛ̃ kpo hã wa dɔnggɔ mɔ!

⁷ Nùi ma kua Okpalɛnɔ 'dɛ ɛ ia, lɛ ĩ na mɔ, Gale 'da lɛ, mɔ wila nu mɔ tɛ lɛ.

⁸ E kɔ Gale wele nu a tɛ lɛ, e kɔ owinɔ nyanga nza gɛ vɛ̃ wa yu kili a.