Zumanɔ 61 - WE NU GALE 1995

Sambala 'da wi kɛ a tɛ kɔlɔ 'duli

¹ Zuma 'da Davidi

² Aa Gale, mɔ zélé hiamɔ ala nui 'da mi, mɔ gɛ́ zala mɔ hã mɔ zele sambala 'da mi.

³ Mi a ndũu ngɔ gele nù, nɛ mi mbɔka, mi 'bɔ do ngawi we dɛ mɔ bina, nɛ mi sa mɔ hã mɔ na, mɔ gbaka mi. Mɔ é mi ngɔ ngala kala na, dɔ ngamɔ kpá mi gɔ.

⁴ We kɛ mɔ a ngi wi zɔ mɔ tɛ mi ngboo, mɔ a gba ngbo kele zu mi dati Owi sɛnɛ mi.

⁵ Mɔ é mi, hã mi ɔ kɔ Tɛmpɛloe 'da mɔ 'da fala fai, nɛ mi usu tɛ mi ti sala 'baka mɔ.

⁶ Mɔ Gale, mɔ zila mbulunɔ kɛ mi kpua ni, nɛ mɔ kala de mɛnɔ kɛ mɔ hã hã Owi dɔnggɔ mɔ ni, nɛ mɔ 'dɔla ma hã mi.

⁷ Mɔ é gba dɔa kɔ̃ tũ ngɔ tũ dungu nza 'da nwa 'da lɛ, nɛ mɔ la a, hã a ɔ fai.

⁸ Aa Gale, mɔ é nwa 'da lɛ, hã a dungu nwa kɔ sabɛlɛ do sabɛlɛ, nɛ a dɛ to nwa 'da a dɛ dati mɔ fai. Mɔ dɛ́ olo nu mɔ hã a, nɛ mɔ zɔ mɔ tɛ̃ a do kɔ̃a zã 'da mɔ.

⁹ Mɔ dɛ̃ ni, nɛ mi ga sɛ zuma hã mɔ, nɛ mi dɔnggɔ sɛ zu li mɔ 'da fala fai. Nɛ tũ kpo kpo, nɛ mi dɛ sɛ mbuli kɛ mi kpua zi hã mɔ ni.