Zumanɔ 54 - WE NU GALE 1995

Sambala 'da wi kɛ wa bi a

¹ Zuma 'da Davidi

² A ga ma we lengge do kɛ owi Zifɛ wa nɛa zi 'da Saulo, nɛ wa mbese a na, Davidi a ngɔ nùi 'da wa i ni.

³ Aa Gale, mɔ kpásá mi do dɔ̃lɔ̃ li 'da mɔ, mɔ 'bílí dia we hã mi do ngawi 'da mɔ.

⁴ Aa Gale, mɔ gɛ́ zala mɔ tɛ wila we 'da mi, nɛ mɔ zélé sambala 'da mi.

⁵ Ogele wi wa sɛnɛ mi, nɛ wa fa we gbɛ mi. Winɔ ni wa gbíní zã wa do mɔ Gale gɔ.

⁶ Nɛ nde mɔ NWA Gale, mɔ gala sɛ mi, nɛ mɔ yolo sɛ gba sala 'do mi.

⁷ E kɔ owi sɛnɛ mi wa kpa 'bako. NWA, mɔ dɛ́ olo nu mɔ hã mɔ kumu wa do'do!

⁸ Na mɛ ni, nɛ mi hã sɛ dɔnggamɔ hã mɔ do dia sila, nɛ mi gese sɛ iɔ̃nae hã mɔ NWA, we kɛ mɔ a dia wi.

⁹ Mɔ kpasa zi mi kɔ 'bakonɔ vɛ̃, nɛ mi zɔa owi sɛnɛ mi tɛ fe li bolo.