Zumanɔ 53 - WE NU GALE 1995

O'dã winɔ wa kpa sɛ ngamɔ

¹ Zuma 'da Davidi

² Mbe winɔ wa tɔ̃ na: “Fo Gale bina.” Owinɔ ni, fo gbãlã zã wa bina. Sanga wa vɛ̃ ni, fo wi dɛ mɔ do wala olo nɛ bina. Mɛnɔ kɛ wa dɛ ma ni, mɛ a omɔ kɛ ma a bɔlɔ gɔ.

³ Gale a ndũu tɛ li nza i, nɛ a bili dɛ ngɔ owinɔ nù nga, takɔ a soko wa, hã a ĩ na, wi hã zã tabi boe nde? Wi kɛ a dɔnggɔ a dɔngga ni, a boe nde?

⁴ Nɛ nde owinɔ vɛ̃ wa a wi bɛ̃ we nu a, nɛ wa vɛ̃ a Owi dɛ 'dã mɔ. Sanga wa vɛ̃ ni, fo mbe wi dɛ de mɔ kpo bina.

⁵ Nɛ Gale aka na: “Owinɔ vɛ̃ kɛ wa dɛ 'dã mɛnɔ gɛ, wa ĩ́ mɔ kpo gɔ nde? Wa nyɔngɔ te 'do owinɔ 'da mi, nɛ wa sámbálá mi fala kpo gɔ, ní a wa ĩ́ mɔ kpo gɔ nde?”

⁶ Owinɔ ni wa ĩ̀ zi ti kili gɔ, nɛ nde ngangga ni, wa tɛ tana kili. Mba gɔ, Gale a gbɛ sɛ Owi 'dã silanɔ ni, nɛ a pɛsɛ sɛ gbãlã tɛ wa. Gale bɛ̃a gɛnɛ wa, nɛ obe Israɛlɛ wa nɛ sɛ ngɔ wa li bolo.

⁷ E kɔ Gale yolo tɛ Sioni, kɔ a tɛ we kpasa obe Israɛlɛ. E kɔ a gese kpamɛ 'da wa hã wa, nɛ wa ɔ do yangga we duzu ma.