Zumanɔ 47 - WE NU GALE 1995

¹ Zuma 'da obe zã Kore

² Aa nɛ, owinɔ vɛ̃, nɛ zɛ́ kɔ̃ nɛ hã Gale, nɛ nɛ dɔ́nggɔ́ a do yangga.

³ Mba gɔ, lɛ wia we yu kili NWA Gale, kɛ a nɛa ngɔ mɔ vɛ̃ ni.

⁴ A ia ogele winɔ ti mbula 'da lɛ, nɛ lɛ dungu nwa ngɔ wa.

⁵ A saka nùi gɛ, nɛ a 'dɔlɔ hã lɛ, nɛ ma hɔa le 'da lɛ, nɛ lɛ dɔnggɔ tɛ lɛ we duzu ma. Lɛ, obe zã Yakɔbɔ, lɛ a owinɔ 'da a, nɛ a kɔ gɛnɛ lɛ wena.

⁶ Owinɔ wa dama mɔtũlũ hã NWA Gale, nɛ a hɔa, nɛ a le kɔ Tɛmpɛloe 'da a, nɛ wa zɛa kaliã.

⁷ Nɛ gá zuma we dɔnggɔ do Gale. Nɛ dɔ́nggɔ́ a, a a nwa 'da lɛ.

⁸ Nwa ngɔ mɔ nyanga nza vɛ̃, wi a Gale. Nɛ gá dia zuma, nɛ nɛ dɔ́nggɔ́ do a.

⁹ Gale dungu ngɔ kpongbo nwa 'da a, a a nwa ngɔ onu kɔnggɔnɔ vɛ̃.

¹⁰ Onwa ngɔ ogele winɔ, wa mba ngba wa do lɛ, winɔ 'da Gale 'da Abrahama. Mba gɔ, Gale nganda nɛa ngɔ nwanɔ ngɔ nù gɛ vɛ̃, a a nwa ngɔ mɛnɔ vɛ̃.