Zumanɔ 43 - WE NU GALE 1995

Sambala 'da wi kɛ a tɛ kɔlɔ 'duli

¹ Aa Gale, mɔ gbɛ́ dia gulu we hã mi, nɛ mɔ bɛ̃ we ngɔ mi hã owinɔ kɛ fo 'bako li wa bina ni. Mɔ kpásá mi ti kɔ̃ owi dɛ 'dã mɛnɔ, do owi tɔ̃ bɛlɛnɔ.

² Gale, mɔ a wi kele zu mi, kɔ gulu kɛ mɔ bɛ̃a gɛnɛ mi we ge nde? Gulu kɛ mɔ la mi na, mi kpa ngamɔ, nɛ owi sɛnɛ mi wa zɛlɛ tɛ mi we ge nde?

³ Mɔ tɔ̃́ gbãlã we hã mi, nɛ mɔ tũ we dati mi, hã ma kã mi dɛ Sioni, kala santoe 'da mɔ, nɛ ma e mi i mɔ, tɛ Tɛmpɛloe 'da mɔ.

⁴ Nɛ mi nɛ sɛ, nɛ mi kɔlɔ do gbagala 'da mɔ, nɛ mi kɔlɔ sɛ do mɔ Gale, kɛ mɔ hã yangga hã mi ni. Mɔ a Gale 'da mi, mi zɛ sɛ kundu we dɔnggɔ do mɔ.

⁵ Mi aka tɛ mi na, gulu kɛ 'bako ba mi we ge nde? Gulu kɛ tɛ mi gɛ̃, nɛ mi ala nu mi we ge nde? Dia nɛ na, mi gbini zã mi do mɔ Gale, nɛ mi sambala 'bɔ mɔ mbé nɛ. Mɔ a Gale 'da mi, wi kpasa mi.