Zumanɔ 4 - WE NU GALE 1995

Gale a wi kɛ mi gbini zã mi do a

¹ Zuma 'da Davidi

² Aa Gale, fala kɛ mi sa mɔ hã mɔ, nɛ mɔ gésé nu nɛ hã mi, we kɛ mɔ a wi 'dafa we ngɔ mi. Mɔ kɛ mɔ gala zi mi 'da fala kɛ mi zi kɔ ngamɛ ni, mɔ bé dia zã 'da mɔ hã mi, nɛ mɔ zélé sambala 'da mi.

³ Aa nɛ, kɛ nɛ 'danga dɔ̃lɔ̃ li 'da mi fai gɛ, nɛ la sɛ fala nɛ soe ki nge nde? Nɛ kɔ̃a we e mi fala ngbangga yala iko, nɛ nɛ fa we 'danga zu li mi we ge nde?

⁴ Nɛ ĩ́ na, NWA saka mi, nɛ mi hɔa wi 'da a. Fala kɛ mi sa mɔ hã a na a gbaka mi, nɛ a zele, nɛ nde a lá mi iko gɔ.

⁵ Fala kɛ zã nɛ nɔ̃lɔ̃, nɛ nɛ tɛ dɛ̃ 'dã mɔ gɔ. Nɛ si tɔa, nɛ nɛ lengge mɔ wena sɛ, nɛ tɛ zĩ̀ do wele we iko gɔ.

⁶ Nɛ ha dɔnggamɛ kɛ ma wia ni hã NWA, nɛ nɛ gbíní zã nɛ do a.

⁷ Winɔ wena wa ala nu wa na, wi nɛ hã dia dungu hã lo a wio nde? Aa NWA, mɔ kpɔ́ kɔ̃ mɔ ti lo.

⁸ Nɛ nde mɔ dɛa na, mi ɔ do yangga. Nɛ yangga 'da mi nɛa ngɔ kɛ 'da Owi kala kpalɛ, do owinɔ kɛ wa do dɔ̃ wena ni.

⁹ Na mɛ ni, mi ɔ nu, nɛ mi ɔ yala do gɛ̃a sila iko, we kɛ wi kele zu mi, wi a mɔ NWA zu mɔ kpo.