Zumanɔ 3 - WE NU GALE 1995

¹ Zuma 'da Davidi. A ga ma do 'da fala a yu be 'da a Absalɔmɛ ni.

² Aa NWA, owi sɛnɛ mi wa dɔ wena, Owele wena wa fa we do mi.

³ Wa tɔ̃ do zu li mi na: “A gbini zã a do Gale yala iko, a gálá sɛ a gɔ.”

⁴ Nɛ nde mɔ nwa, mɔ a ngele kele zu mi. Wi gese dɔ̃lɔ̃ li hã mi, wi a mɔ, nɛ mɔ kpãlã 'bɔ sila mi.

⁵ Fala kɛ mi zɛ nu mi hã NWA na, a gbaka mi, nɛ a kɔ̃, nɛ a gese nu nɛ hã mi tɛ Sioni, kɛ mɛ a kala santo 'da a ni.

⁶ Mi ɔa nù, nɛ mi ɔ yala gbaa sa fala, nɛ mi tunu, nɛ mi ĩ na, NWA, mɔ a wi zɔ mɔ tɛ mi.

⁷ Ogba gili winɔ wa linggi mi zĩ takpa, kɔ wa 'bɔ we bi mi ni, mi dɛ́ 'bɔ mbé kili wa gɔ.

⁸ Aa NWA, mɔ tɛ́ we kpasa mi. Aa Gale 'da mi, mɔ gbáká mi, mɔ zɛ́ sanga li owi sɛnɛ mi, nɛ mɔ fo ngawi 'da wa do'do, dɔ wa dɛ́ 'bɔ 'dã mɔ do mi gɔ.

⁹ Aa NWA, mɔ a mɔ kpasa owinɔ. E kɔ mɔ wele nu mɔ tɛ owinɔ 'da mɔ.