Zumanɔ 24 - WE NU GALE 1995

NWA Gale a wele nyanga nza vɛ

1 Zuma 'da Davidi

¹ Zuma 'da Davidi NWA, mɔ a wele nyanga nza do mɛnɔ ngɔ nɛ vɛ̃. NWA, wele nùi do mɛnɔ ngɔ nɛ gɛ a mɔ́ mɔ.

² Mɔ a mɔ dɛa nùi dɛ ngɔ ogba lìnɔ, nɛ mɔ zĩ ma na, ma yolo dɛ ngɔ nɛ.

³ Winɔ kɛ nwa a kɔ sɛ na, wa kũ ngɔ kala 'da a, nɛ wa le kɔ Tɛmpɛlo santo 'da a ni, wi a wio nde?

⁴ Wi a owinɔ kɛ dɛa mɔ tɛ wa do linggamɔ zu wa, ma a sa ni. Wa nɛ́ 'do bɛlɛ gɔ, nɛ wa káná tɛ wa do bɛlɛ gɔ.

⁵ NWA Gale a wi kpasa wi, a wele sɛ nu a tɛ wa, nɛ a zɔ sɛ wa na, wa a wi bɔlɔ zu.

⁶ Owi kɔ̃ Gale ngboo wi a wa, owinɔ kɛ wa siki li wa dɛ 'da a, ɔ nɛ kɛ obe zã Yakɔbɔ wa dɛ ni.

⁷ Nɛ hṹi nu ngba le gã dɛ 'do! Nɛ nɛ fĩ́ ogbangga nu Tɔa Gale na, Gã Nwa a le.

⁸ Gã Nwa ni a wio nde? Wi a NWA Gale. A a NWA kɛ a do nganda vɛ̃, nɛ a a Nwa bolo.

⁹ Nɛ hũi nu ngba le gã dɛ 'do! Nɛ nɛ fĩ́ ogbangga nu Tɔa Gale na, Gã Nwa a le.

¹⁰ Gã Nwa ni a wio nde? Wi a nwa ngɔ mɔ nyanga nza vɛ̃. Gã Nwa ni wi a a.