Zumanɔ 23 - WE NU GALE 1995

NWA, mɔ a wi zɔ mɔ tɛ mi

1 Zuma 'da Davidi

¹ Zuma 'da Davidi NWA, mɔ a wi zɔ mɔ tɛ mi, ɔ nɛ kɛ wi fɔmɔ bata a zɔ do mɔ tɛ wa ni. Mi zɔ̀lɔ̀ mɔ kpo gɔ.

² Mɔ 'dafa fala hã mi. Fala ni, ma do nyɔngɔmɔ wena. Mɔ kã mi na, mi kpe tɛ mi tɛ fala lì kɛ ma a fioo.

³ Mɔ hã mbé ngawi hã mi. Nɛ mɔ kã mi do bɔlɔ wala, we lengge do dɔ̃lɔ̃ li 'da mɔ.

⁴ Gɛnɛ kɔ mi la do kɔ gba tũ, nɛ nde mi dɛ́ kili gɔ. We duzu kɛ mɔ NWA, mɔ fala nɛ kpo do mi boe. NWA a wi zɔ mɔ tɛ mi Dɔndɔlɔ 'da mɔ ma kã mi, nɛ ma bi bolo zu mi. Gulu ngawi 'da mi a ni.

⁵ Mɔ 'dafa fala nyɔngɔ do mɔ hã mi, dɛ dati Owi sɛnɛ mi vɛ̃ na, wa zɔ mi. Mɔ kpɔa kɔ̃ mɔ 'do mi, nɛ mɔ fɛlɛ nɔ yɔmbɔ zu mi, ɔ nɛ gɛnɛ dɔ̃lɔ̃ li, kɛ mɔ sa mɔ hã a ni, nɛ bila 'da mi ma dunu ngurr.

⁶ Do gbãlã we, kɔ dungu 'da mi vɛ̃, mɔ be kɔ̃a zã do dia dɛa mɛ 'da mɔ hã mi. Nɛ mi ngbí sɛ kɔ tɔa Tɛmpɛloe 'da mɔ gɔ, gbaa na mi fe do ma.