Zumanɔ 2 - WE NU GALE 1995

Nwa kɛ Gale saka a

¹ Ogele winɔ wa dɛ dã, nɛ wa ba zã zu we mba mba do zu li NWA. Gulu kɛ wa dɛ ni we ge nde?

² Onwanɔ nù gɛ wa mba li ngba wa, nɛ wa 'dafa tɛ wa we bi bolo do NWA Gale, do we bi 'bɔ do wi kɛ Gale ia a do nwa ni.

³ Wa tɛ tɔ̃ na: “Lɛ gɔ́nɔ́ dɔkpɛ wa ɛnzɛ do lɛ ni! Lɛ hɔ́ ti mbula 'da wa do'do!”

⁴ Nɛ nde NWA Gale, wele kɛ a ɔ li nza i ni, a tɛ mɔmɔ wa, nɛ a tɛ fi tɔɛ zu wa.

⁵ Nɛ a wele we hã wa do nɔ̃lɔ̃ zã, nɛ a he mɔ zu wa do dã na:

⁶ “Mi saka zi nwa, nɛ mi ia a tɛ Sioni, kala 'da mi kɛ ma santo.”

⁷ Nwa ni tɔ́a na: “Nɛ zélé wenɔ kɛ NWA Gale wila hã mi gɛ! A na: ‘Yolo do sɔɛ gɛ, mi hɔa baa mɔ, nɛ mɔ a bulu be 'da mi.

⁸ Mɔ gɔ ogele nùnɔ kɔ mi vɛ̃, nɛ mi 'dɔlɔ sɛ ma hã mɔ do mɔ́ mɔ, nɛ wele nyanga nza vɛ̃ sɛ a mɔ́ mɔ.

⁹ Mɔ dungu sɛ nwa ngɔ winɔ vɛ̃ do dɔndɔlɔ mɔ bolo dɛ kɔ̃ mɔ. Nɛ mɔ o sɛ do sanga wa ɔ nɛ kɛ wa o do kpana ni.’ ”

¹⁰ Aa nɛ, nwanɔ, nɛ kpá hã zã. Nɛ, ogã winɔ nu gɛ, nɛ gbésé zu nɛ.

^11-12 Nɛ dɛ́ to hã NWA do kili. Nɛ dɔ́nggɔ́ a, nɛ nɛ gu nù ti a, dɔ dã ba a kɔ a gbɛ́ nɛ gɔ, we kɛ be mɔ sĩ, nɛ zã a nɔ̃lɔ̃ do ti. Mɛ a yangga we winɔ wa yu dɛ 'da a na, a kele zu lo ni.