Zumanɔ 14 - WE NU GALE 1995

O'dã winɔ wa kpa sɛ ngamɔ

1 Zuma 'da Davidi

¹ Mbe winɔ wa tɔ̃ na: “Fo Gale bina.” Owinɔ ni, fo gbãlã zã wa bina. Sanga wa vɛ̃ ni, fo wi dɛ mɔ do wala olo nɛ bina. Mɛnɔ kɛ wa dɛ ma ni, mɛ a omɔ kɛ ma dè gɔ.

² NWA a ndũu tɛ li nza i, nɛ a bili dɛ ngɔ owinɔ nù nga, takɔ a soko wa, hã a ĩ na, wi hã zã tabi boe nde? Wi kɛ a dɔnggɔ a dɔngga ni, a boe nde?

³ Nɛ nde owinɔ vɛ̃ wa yɔa wala, nɛ wa vɛ̃ a Owi dɛ 'dã mɔ. Sanga wa vɛ̃ ni, fo mbe wi dɛ de mɔ kpo bina.

⁴ Nɛ NWA Gale aka na: “Owinɔ vɛ̃ kɛ wa dɛ 'dã mɛnɔ gɛ, wa ĩ́ mɔ kpo gɔ nde? Wa nyɔngɔ te 'do owinɔ 'da mi, nɛ wa sámbálá mi fala kpo gɔ, ní a wa ĩ́ mɔ kpo gɔ nde?”

⁵ Nɛ nde o'dã winɔ wa tana sɛ kili, mba gɔ, Gale fala nɛ kpo do owinɔ kɛ wa zele mbulanɔ 'da a ni.

⁶ O'dã winɔ wa 'danga wala ti Owi 'bakonɔ. Ĩ na, NWA kele zu wi 'bakonɔ ni.

⁷ E kɔ NWA yolo tɛ Sioni, kɔ a tɛ we kpasa obe Israɛlɛ. E kɔ a gese kpamɛ 'da wa hã wa, nɛ wa ɔ do yangga we duzu ma.