Zumanɔ 136 - WE NU GALE 1995

Zuma we gese iɔ̃nae hã NWA

¹ Nɛ dɔ́nggɔ́ NWA we kɛ a a wi dia sila, nɛ kɔ̃a zã 'da a do ndɔti nɛ bina.

² Nɛ dɔ́nggɔ́ Gale kɛ a la ngɔ ogalenɔ vɛ̃ ni, kɔ̃a zã 'da a do ndɔti nɛ bina.

³ Nɛ dɔ́nggɔ́ NWA kɛ a la ngɔ Onwanɔ vɛ̃ ni, kɔ̃a zã 'da a do ndɔti nɛ bina.

⁴ A zu a kpo hã a dɛ ogã ɔngbamɛnɔ, kɔ̃a zã 'da a do ndɔti nɛ bina.

⁵ A dɛa li nza do hã zã 'da a, kɔ̃a zã 'da a do ndɔti nɛ bina.

⁶ A dɛa nùi dɛ ngɔ ogba lìnɔ, kɔ̃a zã 'da a do ndɔti nɛ bina.

⁷ A dɛa wese do zɛkɛ, kɔ̃a zã 'da a do ndɔti nɛ bina.

⁸ Wese to do gba wese, kɔ̃a zã 'da a do ndɔti nɛ bina.

⁹ Nɛ zɛkɛ do sɔlanɔ ma to do tũi, kɔ̃a zã 'da a do ndɔti nɛ bina.

¹⁰ A gbɛa zi Okuti bulu benɔ 'da Oezipeto, kɔ̃a zã 'da a do ndɔti nɛ bina.

¹¹ A fua zi obe Israɛlɛ ngɔ nù Ezipeto, kɔ̃a zã 'da a do ndɔti nɛ bina.

¹² A dɛa ní do ngawi 'da a, nɛ gɛlɛ kɔ́ a si ngɔ, kɔ̃a zã 'da a do ndɔti nɛ bina.

¹³ A kɛ̃a sanga gba lì Sala Tɔ̃ bɔa, kɔ̃a zã 'da a do ndɔti nɛ bina.

¹⁴ A kpia ti obe Israɛlɛ, nɛ wa la do gbogbo nɛ, kɔ̃a zã 'da a do ndɔti nɛ bina.

¹⁵ Nɛ a dɛa na, nwa ngɔ nù Ezipeto do osodanɔ 'da a wa bindi, kɔ̃a zã 'da a do ndɔti nɛ bina.

¹⁶ Nɛ a kã owinɔ 'da a do li gba zɔ̃ɛ, kɔ̃a zã 'da a do ndɔti nɛ bina.

¹⁷ A gbɛa zi ogã nwanɔ, kɔ̃a zã 'da a do ndɔti nɛ bina.

¹⁸ A gbɛa zi Onwanɔ wa nganda wena ni, kɔ̃a zã 'da a do ndɔti nɛ bina.

¹⁹ A gbɛa Sihoni, nwa 'da Oamori, kɔ̃a zã 'da a do ndɔti nɛ bina.

²⁰ Nɛ a gbɛ 'bɔ Ɔgɛ, nwa ngɔ nù Basanɛ, kɔ̃a zã 'da a do ndɔti nɛ bina.

²¹ Nɛ a 'dɔlɔ nùi olo wa ni hã owinɔ 'da a do mɔ́ wa, kɔ̃a zã 'da a do ndɔti nɛ bina.

²² A 'dɔlɔ ma hã owi dɛa tonɔ 'da a, obe Israɛlɛ, kɔ̃a zã 'da a do ndɔti nɛ bina.

²³ A lengge zi do lɛ 'da fala ngamɔ, kɔ̃a zã 'da a do ndɔti nɛ bina.

²⁴ A fua zi lɛ ti kɔ̃ Owi sɛnɛ lɛ, kɔ̃a zã 'da a do ndɔti nɛ bina.

²⁵ A hã nyɔngɔmɔ hã Otunu li mɛnɔ vɛ̃, kɔ̃a zã 'da a do ndɔti nɛ bina.

²⁶ Nɛ dɔ́nggɔ́ Gale wele kɛ li nza i ni, kɔ̃a zã 'da a do ndɔti nɛ bina.