Zumanɔ 130 - WE NU GALE 1995

Owinɔ 'da NWA wa kpa ngamɔ

1 Zuma ga li wala gɛnɛ we nɛ dɛ Yeruzalɛmɛ.

¹ Zuma ga li wala gɛnɛ we nɛ dɛ Yeruzalɛmɛ. Aa NWA, ngamɔ gulu zu mi, nɛ mi sa mɔ hã mɔ na, mɔ gbaka mi.

² NWA, mɔ gɛ́ zala mɔ hã mi, nɛ mɔ zélé sa mɔ ala nui 'da mi.

³ Aa nwa, fala kɛ mɔ a li mɔ ngɔ 'dã mɛnɔ 'da lɛ, nɛ wi nɛ kpasa sɛ kɔ etumbu a wio nde?

⁴ Nɛ nde mɔ fua ku'da 'dã mɛnɔ zu lɛ, nɛ lɛ yu kili mɔ we nɛ.

⁵ Mi 'bɔ 'da NWA na a gala mi, mi 'bɔ 'da a do sila mi kpo, nɛ mi gbini zã mi do lɛnggɛ nu a.

⁶ Mi 'bɔ 'da NWA na a tɛ, mi 'bɔ 'da a do sila mi vɛ̃, ɔ nɛ wi zɔ mɔ nu le 'bɔ do 'da sa fala ni. Gbãlã we, mi 'bɔ 'da a nɛ ngɔ wi zɔ mɔ nu le kɛ a 'bɔ 'da sa fala ni.

⁷ Aa nɛ, obe Israɛlɛ, nɛ gbíní zã nɛ do NWA, we kɛ a do kɔ̃a zã we nɛ, nɛ a do wala dɔ wena we kpasa nɛ.

⁸ A do tɛ̃ a ngboo, a kpasa sɛ nɛ kɔ 'dã mɛnɔ 'da nɛ vɛ̃.