Zumanɔ 13 - WE NU GALE 1995

Ta zu NWA nɛ gba ngɔ mi soe ki nge nde?

¹ Zuma 'da Davidi

² Aa nwa, ta zu mɔ nɛ ele ngɔ mi fai nde? Ta zu mɔ nɛ ele ngɔ mi gbaa soe ki nge nde? Mɔ nɛ usu li mɔ hã mi gbaa soe ki nge nde?

³ Linggamɛ do 'bakoe mi kpa ma gɛ, ma Sɔkpɔ sɛ soe ki nge nde? Owi sɛnɛ mi, wa nɛ sɛ ngɔ mi gbaa we Sɔkpɔ soe ki nge nde?

⁴ Aa NWA Gale 'da mi, mɔ síkí li mɔ dɛ 'da mi, nɛ mɔ gésé nu we hã mi. Mɔ dɛ́ na, tɛ mi nganda, dɔ mi fé gɔ.

⁵ Ní gɔ, nɛ wi sɛnɛ mi, a dɔnggɔ sɛ tɛ̃ a na, ɛ nɛa ngɔ mi. Nɛ owinɔ kɛ wa bi mi ni, wa dɛ sɛ yangga fio 'da mi.

⁶ Aa NWA Gale, mi gbini zã mi do kɔ̃a zã 'da mɔ. Mi dɛ yangga we kɛ mɔ kpasa sɛ mi. Mi ga sɛ zuma hã mɔ, we duzu dia mɛ mɔ dɛa hã mi ni.