Zumanɔ 129 - WE NU GALE 1995

E kɔ NWA hã etumbu hã Owi sɛnɛ lɛ

1 Zuma ga li wala gɛnɛ we nɛ dɛ Yeruzalɛmɛ.

¹ Zuma ga li wala gɛnɛ we nɛ dɛ Yeruzalɛmɛ. Aa nɛ, obe Israɛlɛ, nɛ tɔ̃̀ tɛlɛ tɛ kɛ yolo do be tɛ nɛ, owi sɛnɛ nɛ wa zɛlɛ do tɛ nɛ ni, hã lɛ zele. Nɛ obe Israɛlɛ wa gese na:

² “Yolo do be tɛ lɛ, owi sɛnɛ lɛ wa tɛ bi lɛ bi fai, nɛ nde wa nɛ ngɔ lɛ gɔ.

³ Wa yɔlɔ li 'do lɛ ndiɔ̃ ndiɔ̃, ɔ nɛ kɛ wa gɔnɔ do dã tɛ wele ni.

⁴ Nɛ nde NWA a wi bɔlɔ zu, a fua lɛ kɔ ngbá ti kɔ̃ o'dã winɔ.”

⁵ E kɔ owi sɛnɛ Sioni vɛ̃ wa te li bolo, nɛ wa kpolo tɛ wa do sape.

⁶ E kɔ wa kolo ɔ nɛ wɔkɔsɔ kɛ ma hɔ ngɔ tɔa, nɛ nde ma gã́ gɔ, nɛ ma kolo iko ni.

⁷ Wele wa ma, nɛ nde mbɔ nɛ ti kɔ̃ a bina, nɛ ma wè tɛ dunu ngɔ 'baka wi kala ma gɔ.

⁸ Wi la wala wé sɛ we tɔ̃ hã wi ni na: “E kɔ nwa wele nu a tɛ toe mɔ dɛ gɛ” gɔ. Lɛ wele nu lɛ tɛ nɛ do zu li NWA.