Zumanɔ 127 - WE NU GALE 1995

NWA be dia zã hã owinɔ a kɔ̃a wa ni

1 Zuma 'da Salɔmɔ. Wa ga ma li wala gɛnɛ we nɛ dɛ Yeruzalɛmɛ.

¹ Zuma 'da Salɔmɔ. Wa ga ma li wala gɛnɛ we nɛ dɛ Yeruzalɛmɛ. Fala kɛ nwa dɛ̀ tɔa gɔ, nɛ owi dɛ tɔanɔ wa kpa ngamɔ tɛ dɛ to yala iko. Fala kɛ nwa zɔ̃ mɔ tɛ le gɔ, nɛ Owi zɔ mɔ nu lenɔ wa dɛ to yala iko.

² Gulu kɛ mɔ kulu ngɔ do titole belee, nɛ mɔ dɛ to gbaa, nɛ mɔ sí tɔa dɔ̃ gɔ, nɛ mɔ kpa ngamɔ tɛ fa nyɔngɔmɔ ni bina. Mba gɔ, nwa fa nyɔngɔmɔ hã winɔ a kɔ̃a wa ni, do 'da fala kɛ wa 'bana tɛ ɔ yala ni.

³ Gã kpamɔ kɔ nu fɛlɛ kula mɛ a obe, nɛ wi hã obenɔ ni, wi a NWA.

⁴ Bulu be kɛ wele ko a ngɔ zagbãlã tɛ̃ a ni, a ɔ nɛ kpili kɔ̃ soda nɛ bolo ni.

⁵ Wi kɛ a kala kpilinɔ ni hã ma dunu ndele 'da a, nɛ nde a a wi yangga. Fala kɛ a nɛ dati Owi 'bili we, we tɔ̃ ngbangga do Owi sɛnɛ a, nɛ nde a kpá sɛ sape gɔ.