Zumanɔ 126 - WE NU GALE 1995

Hia kɔ̃a kifi yangga

1 Zuma ga li wala gɛnɛ we nɛ dɛ Yeruzalɛmɛ.

¹ Zuma ga li wala gɛnɛ we nɛ dɛ Yeruzalɛmɛ. 'Da fala kɛ NWA kala zi lɛ kɔlɔ 'duli, nɛ a gisa lɛ dɛ Yeruzalɛmɛ ni, nɛ lɛ lingga na, lɛ ya yala iko.

² Nɛ lɛ zɛa kaliã, nɛ lɛ he hiamɔ yangga. Nɛ ogele winɔ wa tɔ̃a na: “NWA dɛa gba mɔ hã wa.”

³ Gbãlã we, NWA dɛa zi gba mɔ hã lɛ, nɛ lɛ zi do yangga wena.

⁴ Aa NWA, mɔ gésé owinɔ 'da lɛ dɛ ngɔ nùi 'da lɛ, ɔ nɛ kɛ kolo gese lì dɛ kɔ kungba nɛ ni.

⁵ Mɔ dɛ́ na, owinɔ kɛ wa mi kpalɛnɔ do mili kɔ̃a li wa ni, wa kala kpalɛnɔ ni do zuma yangga nu wa.

⁶ Winɔ kɛ wa kala gbãlã kɔni, nɛ wa mi ma do mili kɔ̃a li wa ni, wa sɛmbɛ sɛ kɔninɔ ni do sanggi, nɛ wa si do ma do zuma yangga nu wa.