Zumanɔ 125 - WE NU GALE 1995

NWA hã gɛa dungu hã owinɔ a zɔ mɔ tɛ wa ni

1 Zuma ga li wala gɛnɛ we nɛ dɛ Yeruzalɛmɛ.

¹ Zuma ga li wala gɛnɛ we nɛ dɛ Yeruzalɛmɛ. Owinɔ wa gbini zã wa do nwa ni, wa yolo nganda ɔ nɛ kala Sioni, kɛ ma yáká gɔ, nɛ ma 'bana sɛ fai ni.

² NWA fi kɔ̃ ɛ 'do owinɔ 'da a takpa, ɔ nɛ kɛ okalanɔ ma zĩ nu le Yeruzalɛmɛ takpa ni. Nɛ a zɔ mɔ tɛ wa sɔɛ gɛ, do kɔ sabɛlɛ do sabɛlɛ.

³ 'Dã wele wè tɛ dungu nwa ngɔ nùi 'da owinɔ 'da Gale fai gɔ. Ní gɔ, nɛ sila owinɔ 'da NWA Gale ma ɔlɔ sɛ wa we dɛ 'dã mɔ.

⁴ Aa NWA, mɔ bé dia zã hã ode winɔ, kɛ wa dɛ mbula 'da mɔ ni.

⁵ Nɛ nde owinɔ kɛ wa bɛ̃ we nu mɔ, nɛ wa ba 'dã walanɔ ni, mɔ hã́ etumbu hã wa fala nɛ kpo do Owi dɛ 'dã mɛnɔ. E kɔ obe Israɛlɛ wa kpa dia dungu!