Zumanɔ 124 - WE NU GALE 1995

Gale zɔ mɔ tɛ owinɔ 'da a

1 Zuma 'da Davidi. Wa ga ma li wala gɛnɛ we nɛ dɛ Yeruzalɛmɛ.

¹ Zuma 'da Davidi. Wa ga ma li wala gɛnɛ we nɛ dɛ Yeruzalɛmɛ. E kɔ obe Israɛlɛ wa tɔ̃ na: “Ɔ do kɛ NWA a yòlò zi 'do lɛ gɔ, nɛ ma ɔ sɔ nɛ nde?”

² 'Da fala Owi sɛnɛ lɛ wa bi zi lɛ ni, hã ɔ do kɛ NWA yòlò zi 'do lɛ gɔ,

³ nɛ wa be zi gã nɔ̃lɔ̃ zã 'da wa hã lɛ, nɛ wa mi zi lɛ do tunu li lɛ.

⁴ Nɛ lì ma gulu zi zu lɛ, nɛ ngele lì ma kala zi lɛ la do lɛ.

⁵ Nɛ lìnɔ kɛ ma anga sala sala ni, ma gulu zi ngɔ lɛ fɛɔɔ.

⁶ Lɛ ha iɔ̃nae hã NWA, a là lɛ dɛ kɔ̃ owi sɛnɛ lɛ na, wa kumu lɛ gɔ.

⁷ Lɛ yu kɔ̃ wa ɔ nɛ nɔɛ yu li bili, kɛ wi gbɛ nɔɛ ndɔa ma ni. Fɛlɛ bili gɔna, nɛ lɛ la li nɛ.

⁸ Wi gala lɛ tati a NWA, wele kɛ a dɛa li nza do nùi ni.