Zumanɔ 122 - WE NU GALE 1995

Sambala we le Yeruzalɛmɛ

1 Zuma 'da Davidi. Wa ga ma li wala gɛnɛ we nɛ dɛ Yeruzalɛmɛ.

¹ Zuma 'da Davidi. Wa ga ma li wala gɛnɛ we nɛ dɛ Yeruzalɛmɛ. 'Da fala kɛ oyali ngba mi wa tɔ̃a zi hã mi na: “Lɛ nɛ́ kɔ Tɛmpɛloe 'da NWA” ni, nɛ ma hã zi yangga hã mi wena.

² Ngangga ni, lɛ hɔa kɔ le Yeruzalɛmɛ, kɛ ngboe zĩ ma takpa ni ia, nɛ lɛ dungu nù dɛ gbogbo zã le.

³ Wa dɛa le Yeruzalɛmɛ de wena, gba ngbo zĩ ma takpa.

⁴ Kɛ gɛ a fala kɛ nu fɛlɛ winɔ 'da nwa, obe Israɛlɛ wa tɛ gɛnɛ dɛ tɛ nɛ, nɛ wa dɔnggɔ NWA ɔ nɛ kɛ mbula 'da wa tɔ̃a ni.

⁵ Obe zã Davidi wa dungu nwa dɛ dɛ, nɛ wa 'bili we 'da owinɔ 'da wa.

⁶ Nɛ sámbálá na, le Yeruzalɛmɛ kpa dungu fio. “E kɔ winɔ wa kɔ̃a gɛnɛ le Yeruzalɛmɛ ni, wa kpa dia dungu.

⁷ E kɔ gɛ̃a dungu do dungu fio, ma kpa kɔ tɔanɔ kɔ le Yeruzalɛmɛ vɛ̃.”

⁸ Mi lengge onya mi wanɔ kɔ le Yeruzalɛmɛ, nɛ mi sambala na, le Yeruzalɛmɛ kpa dungu fio.

⁹ Mi lengge kɛ mi kɔ̃a do gɛnɛ Tɛmpɛloe 'da NWA Gale ni, nɛ mi sambala we le Yeruzalɛmɛ na, ma kpa de mɔ.