Zumanɔ 114 - WE NU GALE 1995

Zuma we ga do li ɛngga Hɔ Nza kɔ Ngbá

¹ Obe Israɛlɛ, be zã Yakɔbɔ, wa zi a ngɔ nù Ezipeto, kɔ wa la ngɔ gele nùi ni do'do,

² nɛ nù Yuda hɔa fala dɔnggɔ do NWA Gale, nɛ Israɛlɛ hɔ nùi 'da Gale ngboo.

³ Gba lì Sala Tɔ̃ zɔa obe Israɛlɛ, nɛ ma ɔ̃sɔ̃ dati wa do'do, nɛ fua lì Yɔrdanɛ yolo nù.

⁴ Nɛ kalanɔ kpe'de dɛ ngɔ, nɛ otɔ̃nɔ bũlũ ɔ nɛ be wili dua ni.

⁵ Dɛ nɛ nde gba lì, gulu kɛ mɔ ɔ̃sɔ̃ we ge nde? Aa lì Yɔrdanɛ, gulu kɛ mɔ yolo nù we ge nde?

⁶ Nɛ nɛ, okalanɔ do otɔ̃nɔ, gulu kɛ nɛ kpe'de dɛ ngɔ ɔ nɛ be wili dua we ge nde?

⁷ Aa nɛ, owinɔ nù gɛ, nɛ táná kili dati Gale 'da Yakɔbɔ, kɛ a a wele mɛnɔ vɛ̃ ni.

⁸ A dɛa zi na lì go'do kɔ ta, nɛ fua lì sulu do ngɔ kpangba ta ni.