Zumanɔ 112 - WE NU GALE 1995

Yangga do wi kɛ a yu kili NWA ni

¹ Aleluya, lɛ dɔ́nggɔ́ nwa! Yangga do wi kɛ a yu kili nwa, nɛ tɛ̃ a ɛ̃fɛ̃ we dɛ mbulanɔ 'da a ni.

² Gale a wele sɛ nu a tɛ obe zã wi bɔlɔ zui ni, nɛ wa sɛ do dĩ ngɔ nùi gɛ wena.

³ Nu fɛlɛ a sɛ kɔ kpamɔ, nɛ Gale a kɔ̃ sɛ gɛnɛ a fai.

⁴ Fala kɛ gba tũ kpe kpã kpã, nɛ fala sa kɛ zã wi bɔlɔ zu. A a wi dia sila, wi mbɔkɔ li, nɛ a dɛ mɔ do wala olo nɛ.

⁵ Wi kɛ a e gbã zu ngba a do dia zã ni, a a wi yangga. A e kpamɛ 'da a fala dɛa to do wala olo nɛ.

⁶ Dia wi té sɛ nu fala kpo gɔ, ta zu winɔ ma 'bana sɛ ngɔ a fai.

⁷ A dɛ́ kili zele 'dã lɛnggɛ gɔ. Sila a gɔ́nɔ́ gɔ, we kɛ a gbini zã a do NWA.

⁸ A ni sila a, nɛ kili bá a gɔ, a ĩ na, ɛ zɔ sɛ Owi sɛnɛ ɛ tɛ te li bolo.

⁹ A kɛ̃ gba dɔa mɛnɔ 'da a hã Owi sãnɔ, nɛ dia dɛa mɛ 'da a ma 'bana sɛ fai. Dɔ̃lɔ̃ li do ngawi 'da a ma kũ dɛ ngɔ,

¹⁰ kɔ 'dã wi zɔ a, nɛ zã a nɔ̃lɔ̃, nɛ gbãlã zã a bi, nɛ li a fele, nɛ linggamɛnɔ a 'dafa ni, ma 'danga vɛ̃.