Zumanɔ 110 - WE NU GALE 1995

Gale kpua mbulu hã nwa kɛ a saka a ni

1 Zuma 'da Davidi

¹ Zuma 'da Davidi NWA Gale tɔ̃a hã nwa ngɔ nùi 'da lɛ na: “Mɔ tɛ́ hã mɔ dungu tɛ ngɔ ngawili kɔ̃ mi, kɔ mi a Owi sɛnɛ mɔ nu, kɔ mɔ ma wa ti tambala nyanga mɔ.”

² Aa nwa 'da mi, e kɔ NWA Gale dɛ na, dɛa to nwa 'da mɔ yolo do kɔ Tɛmpɛloe 'da a tɛ Sioni, nɛ ma la dɛ dati fai. E kɔ mɔ e mbula ngɔ owi sɛnɛ mɔ.

³ Do ngba soe mɔ nɛ bi Owi sɛnɛ mɔ ni, nɛ onga sodanɔ wa kã sɛ mɔ do dia sila, nɛ obe zagbãlãnɔ wa mba sɛ do mɔ fala nɛ kpo tɛ ngɔ kala santo, nɛ wa kpa falanɔ vɛ̃ ɔ nɛ mbɔɛ titole ni.

⁴ NWA Gale zonggo tɛ̃ a, nɛ a kpóló sɛ nu a gɔ. A na: “Mɔ 'bana sɛ nganga fai, ɔ nɛ tɛlɛ tɛ kɛ 'da Mɛlkisedɛkɛ ni.”

^5-6 NWA Gale do mɔ boe. Do ngba soe 'bili ngbangga 'da onu kɔnggɔnɔ, nɛ zã a ma nɔ̃lɔ̃ sɛ dɛ tɛ ogã winɔ, nɛ a gbɛ sɛ wa, nɛ a da wɔlɔ wa, nɛ ma dunu kɔ gbangɔlɔ̃nɔ.

⁷ Nwa 'da lɛ a nɔ sɛ fua lì tɛ li wala i, nɛ a kpa sɛ mbé ngawi, nɛ a nɛ ngɔ owi sɛnɛ a.