Zumanɔ 101 - WE NU GALE 1995

Mɛnɔ kɛ nwa kpua mbulu dɛ ma hã Gale

1 Zuma 'da Davidi

¹ Zuma 'da Davidi Mi nɛ ga zuma hã mɔ NWA, mɛ a zuma kɔ̃a zã 'da mi, nɛ mi be 'bɔ bɔlɔ zui mi dɛ do toe 'da mi ni.

² Mi kɔ̃a na, mi dɛ to tɛ mi do dia nɛ ngboo. Aa NWA, mɔ nɛ tɛ dɛ 'da mi soe ki nge nde? Mi nɛ dɛ to tɛ mi do bɔlɔ nɛ ngboo tɛ sanga owinɔ nu tɔa 'da mi,

³ nɛ 'dã mɔ dé sɛ li mi gɔ. Mi sɛnɛ owi bɛ̃ gɛnɛ Gale, nɛ mi dɛ́ sɛ mɔ tɛ mi we kɔ̃ do wa gɔ.

⁴ Mi kɔ̃̀ we zɔ yɔa ti dɛa mɔ ngɔ li mi gɔ, nɛ mi kɔ́lɔ́ sɛ do o'dã winɔ gɔ.

⁵ Owinɔ kɛ wa 'danga zu li ngba wa do ti tũ nɛ ni, mi yulu sɛ nu 'dã mɛ 'da wa nù. Mi kúnú sɛ sila mi dati owi gã zunɔ gɔ.

⁶ Mi saka sɛ Owi dia silanɔ ngɔ nùi gɛ, nɛ mi a sɛ wa dɛ kɛ zã mi. Nɛ wi kɛ a dɛ to tɛ̃ a do dia nɛ ngboo ni, a sɛ a wi ti nu mi.

⁷ Mi kɔ̃̀ na, wi 'bili bɛlɛ hɔ nu tɔa 'da mi gɔ, nɛ mi kɔ̃̀ we zɔ a dati mi gɔ.

⁸ Tũ kpo kpo, mi gbɛ sɛ o'dã winɔ ngɔ nùi gɛ, nɛ mi kumu sɛ wa kɔ le 'da NWA do'do.