Zumanɔ 100 - WE NU GALE 1995

Zuma tɔ̃ iɔ̃nae hã NWA Gale

¹ Aa nɛ, owinɔ nù gɛ, nɛ gá zuma hã NWA!

² Nɛ dɔ́nggɔ́ NWA do yangga, nɛ tɛ́ dɛ kɔ tɔa 'da a, nɛ nɛ ga zuma do yangga!

³ Nɛ ĩ́ na NWA 'da lɛ, a a ngbongbo Gale ngboo. A dɛa lɛ, nɛ lɛ a owinɔ 'da a. A ɔ nɛ wi zɔ mɔ tɛ obata, nɛ lɛ a obata kɔ ba'de 'da a.

⁴ Nɛ lé kɔ tɔa 'da a, nɛ nɛ zɛ kɔ́ nɛ hã a we dɔnggɔ a! Nɛ lé kɔ ngboe 'da a, nɛ nɛ ga zuma yangga hã a! Nɛ dɔ́nggɔ́ NWA Gale 'da nɛ, nɛ nɛ tɔ̃́ iɔ̃nae hã a!

⁵ Mba gɔ, NWA a de wena, a kɔ̃a lɛ ndɔti nɛ bina, nɛ a dɛ olo nu a hã lɛ fai. A élé olo nu a gɔ kɔ sabɛlɛ do sabɛlɛ.