Zumanɔ 1 - WE NU GALE 1995

KUTI 'BUKU ZUMANƆ (Zumanɔ 1—41) Ngbongbo yangga

¹ Wi kɛ a bɛ̃ we zele mbulanɔ 'da wanɔ wa ĩ̀ ti Gale gɔ ni, a a wi yangga! A yɛ́nggɛ́ wala kpo do Owi dɛ 'dã mɔ gɔ. A dúngú nù sanga Owi mɔmɔ Gale gɔ.

² Nɛ nde a kɔ̃a tati a tɔlɔ mbɛti mbula 'da NWA. Nɛ tũ do gba wese, a tɛ lengge mbulanɔ nɛ.

³ A ɔ nɛ te kɛ wa mi dɛ nu lì ni. Ma wala do zɔlɔ nɛ, nɛ nwá nɛ 'bɔ 'bɔa fai. Wi ni dɛ mɔ, nɛ ma Sɔkpɔ do dia nɛ.

⁴ Nɛ nde kɛ 'da o'dã winɔ, ma ɔ̃ na mɛ ni gɔ. O'dã winɔ wa ɔ nɛ 'bulu wɔkɔsɔ, kɛ bũ kala, nɛ ma pɛsɛ ma ni.

⁵ Ma hɔ sɛ ngba soe gɔnɔ ngbangga, nɛ Gale a a sɛ wa gele fala. A mbá sɛ li o'dã winɔ do Owi kɔ̃ zu li a gɔ.

⁶ NWA zɔ mɔ tɛ odia winɔ. Nɛ nde o'dã winɔ, kɛ wa ĩ̀ ti a gɔ ni, wa ba wala fɛna fio.